Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq oqýshylar halyqaralyq olımpıadada 6 medal jeńip aldy

2021 jyldyń 26 shilde 2021 18:21

NUR-SULTAN. QazAqparat - QR Bilim jáne ǵylym mınıstri Ashat Aımaǵambetov fızıka jáne lıngvıstıka pánderinen ótken halyqaralyq olımpıadalardyń jeńimpazdaryn quttyqtady, dep habarlaıdy QazAqparat.

«Bizdiń oqýshylar Qazaqstandy álemge tanytýdy jalǵastyryp jatyr. Olar fızıka jáne lıngvıstıka pánderi boıynsha halyqaralyq olımpıadalarda 6 medal jeńip aldy. Jas fızıkter qurama qorjynyna 5 kúmis, lıngvıster 1 qola medal saldy», dep jazdy mınıstr Facebook -tegi paraqshasynda.

Fızıka páninen olımpıada Lıtvada ótti. Qazaqstannyń atynan Nur-Sultan, Almaty, Atyraý jáne Pavlodar qalasynan bes oqýshy, ıaǵnı respýblıkalyq pándik olımpıadanyń jeńimpazdary qatysty.

«Olar álemniń 76 elinen kelgen 400-ge jýyq oqýshymen baq synasty. Nátıjesinde oqýshylarymyzdyń barlyǵy júldeli orynǵa ıe boldy. Kúmis medal ıegerleri – Raýan Qaldybaev, Anton Draganchýk, Dinmuhammed Rahymjanov, Rızabek Alpamys, Ersultan Pitebaı», - dedi Ashat Aımaǵambetov.

Lıngvıstıka páninen olımpıada Latvııada ótken. Oǵan Nur-Sultan, Shymkent, Taraz jáne Qaraǵandy qalalarynan 4 oqýshy qatysty.




Qazaqstan qurama komandasy respýblıkalyq olımpıadanyń jeńimpazdarynan jasaqtaldy. Elordalyq oqýshy Darıa Peresypkına qola medalǵa ıe boldy.

«Sizderdi jańa jeńisterińizben quttyqtaımyn! Qazaqstandyq oqýshylar myqty daıyndyǵyn, bilimderiniń joǵary deńgeıin taǵy da dáleldedi.

Sizder óz qurdastaryńyzdyń arasynda fızıka jáne lıngvıstıka áleminde kóshbasshy bola aldyńyzdar.

Osyndaı jetistikter qajyrly eńbektiń, shydamdylyq pen qaısarlyqtyń, birneshe jyldyq joǵary daıyndyqtyń nátıjesi ekeni anyq. Bolashaqta sizderdiń esimderińizdi otandyq ǵylym áleminde kóretinimizge úmit artamyz. Sizderge jańa jetistikter tileımin!», - dedi mınıstr.

Ashat Aımaǵambetov oqýshylardyń ustazdaryn, ata-analaryn jáne jattyqtyrýshylaryn quttyqtady. Ol oqýshylardyń ǵylym álemin odan ári baǵyndyrýy men rekordtaryn jańartýy úshin jaǵdaı jasaýdy jalǵastyratynyn atap ótti.


Joǵary qaraı