Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq ónim: AliBaba alańynda ulttyq saýda pavılony ashylady

2021 jyldyń 14 qyrkúıek 2021 12:33

NUR-SULTAN. QazAqparat – Otandyq «QazTrade» ulttyq saýda operatory álemdik deńgeıdegi iri elektrondyq saýda alańdarynyń biri - AliBaba-men kelisimshart jasady. Sonyń aıasynda atalǵan elektrondy saýda alańynda otandyq taýarlardyń pavılony ashylmaq. Bul týraly QR Saýda jáne ıntegratsııa mınıstrligi eksportty damytý departamentiniń dırektory Ómirbek Bashtaı málim etti, dep habarlaıdy QazAqparat tilshisi.

«Bıyl tamyz aıynda «QazTrade» ulttyq ınstıtýty AliBaba-men kelisimshartqa qol qoıdy. Jyl sońyna deıin bizdiń mınıstrlik AliBaba-men birlesip ulttyq vırtýaldy pavılon ashýdy josparlap otyr. Ol jerde (kazakhstan.alibaba.com) qazaqstandyq taýarlar satylymǵa shyǵady. Bul - qazaqstandyq taýarlardy onlaın satýǵa múmkindik beretin bólek elektrondy saýda alańy. Atalǵan platforma arqyly qandaı otandyq ónimderdiń saýdaǵa qoıylǵanyn kórýge jáne satyp alýǵa bolady. Jalpy otandyq ónimderdi elektrondy saýda alańdaryna shyǵarý boıynsha eksporttyq kelisimshart 62,7 mln AQSh dollaryn qurady. Elektrondy saýda eksporty baǵadarlamasyna negizinen elimizdiń shaǵyn jáne orta bıznesi qatysyp jatyr», - dedi Ómirbek Bashtaı.

Buǵan deıin Saýda jáne ıntegratsııa mınıstrliginiń ókili otandyq 100 kompanııa AliBaba-nyń altyn akkaýntyna ıe bolǵanyn aıtqan edi.


Joǵary qaraı