Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq palýan Azııa aımaqtyq irikteý týrnırinde chempıon atandy

2021 jyldyń 11 sáýir 2021 23:39

AQTÓBE. QazAqparat – Qazaqstandyq palýan ıÝsýp Batyrmýrzaev Olımpıada joldamasyn enshilep, Azııa aımaqtyq irikteý týrnırinde chempıon atandy dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.

Erkin stıldegi 125 kelide kúresken ıÝsýp Batyrmýrzaev jartylaı fınalda Úndistannyń palýanymen kezdesti. Samıt Samıtpen ótken beldesý 2:0 esebimen aıaqtalyp, ıÝsýp Batyrmýrzaev fınalǵa shyqty.

«Beldesý qıyn boldy. Degenmen boz kilemde barlyǵyn baqylaýda ustaýǵa kúsh saldym. Eńbegim esh ketpedi. Samıt esimdi palýanmen bir aı buryn Italııa jerinde ótken týrnırde kúresken edim. Sheber palýan. Ol kezdesýde 10:0 esebimen jeńdim. Bul joly jaqsy daıyndyqpen kelipti. Tegeýrindi qarsylasty» ,- deıdi ıÝsýp Batyrmýrzaev.
ıÝsýp Batyrmýrzaev fınalda Mońǵolııa eliniń sportshysy Lhagvagerelem Mýnhtýromen kúsh synasty. Alyptar aıqasy sońǵy sekýndqa deıin tartysty ótti. Boz kilemde senimdi kúresken aqtóbelik palýan 4:2 esebimen Azııa irikteý týrnırinde chempıon boldy.
«Olımpıadaǵa joldama qorjynda dep arqany keńge salýǵa bolmaıdy. Óz jerimizde ótkendikten Aqtóbe jurtyn altyn medalmen qýantqym keldi. Sol maqsatym oryndaldy. Maǵan senim artyp, qoldaǵan jandarǵa alǵys bildiremin. Bapkerler quramyna raqmet aıtamyn. Lıtsenzııa bizde, endi jyldyń eń mańyzdy saıysyna daıyndalamyz»,- dedi palýan.
Aıta keteıik, ıÝsýp Batyrmurzaev 1996 jyldyń 13 sáýirinde dúnıege kelgen. Aqtóbe oblysynyń namysyn qorǵap júr. 2020 jyly Azııa chempıonatynda top jarǵan.

Avtor Altynaı Saǵyndyqova
Basty sózder: Sport,
Joǵary qaraı