Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq QAZVAC vaktsınasy «Delta» shtamynan tıimdi qorǵaıdy - zertteý

2021 jyldyń 23 qyrkúıek 2021 17:25

NUR-SULTAN. QazAqparat – Qazaqstandyq «QazVac» vaktsınasy «delta» shtamynan tıimdi qorǵaıdy. Mundaı nátıjeni QR BǴM Bıologııalyq qaýipsizdik problemalarynyń ǵylymı-zertteý ınstıtýtynyń ǵalymdary júrgizgen zertteýler kórsetti, dep habarlaıdy QR BǴM baspasóz qyzmeti.

Ǵalymdar beıtaraptandyrý reaktsııasyna test ótkizdi, nátıjesinde otandyq «QazVac» vaktsınasymen egilgender antıdenelerdiń joǵary deńgeıin kórsetti. Vırýsty beıtaraptandyratyn antıdeneler klınıkalyq zertteýlerge qatysqan eriktilerdiń 90%-nan astamynda anyqtaldy.

Sondaı-aq zerthanalyq janýarlarǵa tájirıbeler júrgizildi. QazVac vaktsınatsııasynan keıin homıaktarda paıda bolǵan antıdeneler koronavırýstyń «úndi shtammyn» beıtaraptandyrýǵa qabiletti ekendigi anyqtaldy.

«Biz QazVac vaktsınasy qurǵan antıdenelerdiń «ýhan», «brıtandyq alfa», «úndilik delta» sııaqty koronavırýstyń jańa shtamdaryn beıtaraptandyrý qabiletin anyqtaý maqsatynda zertteý júrgizdik. Nátıjeler vaktsınatsııadan keıingi antıdenelerdiń ımmýnıtetti qalyptastyratynyn jáne vırýstyń úsh túrin de beıtaraptandyrýǵa qabiletti ekenin kórsetti. Sondaı-aq biz zerthanalyq janýarlarǵa tájirıbeler júrgizdik: «QazVac» vaktsınasyn alǵan jáne vaktsınatsııalanbaǵan zerthanalyq homıaktardy aldyq. Biraz ýaqyttan keıin olarǵa delta shtammyn juqtyrdyq. Nátıjesinde vaktsınatsııalanbaǵan homıaktar koronavırýstyń delta shtammyn juqtyrdy. Al «QazVac» vaktsınasymen egilgen janýarlar aýyrmaı, «delta» vırýsynyń shtammynan qorǵalǵan bolyp shyqty», – dep atap ótti QR BǴM ǴK bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarıa.

Alynǵan málimetter «QazVac»-tyń koronavırýstyń bar shtamdaryna qarsy tıimdiligin, onyń ishinde otandyq vaktsınanyń delta shtammynan qorǵaý qabiletin rastady.

Aıta keteıik, koronavırýsyna qarsy «QazVac» vaktsınasyn QR BǴM Ǵylym komıtetiniń Bıologııalyq qaýipsizdik problemalary ǵylymı-zertteý ınstıtýtynyń ǵalymdary ázirlegen. 60 jyldan astam tarıhy bar BQPǴZI-da bıologııalyq qaýipsizdik, vırýsologııa, mıkrobıologııa, ımmýnologııa salasynda jumys tájirıbesi mol. Instıtýt ǵalymdary preparattardyń 60-tan astam túrin, sonyń ishinde 30 vaktsınany, 16 test-júıeni jáne 15-ten astam túrli bıopreparattardy ázirlep, engizdi. Sońǵy 10 jylda ınstıtýt qus jáne shoshqa tumaýyna qarsy otandyq vaktsınalardy daıyndaý tehnologııasyn jasady.



Joǵary qaraı