Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq sportshy áıel álem chempıonatynda 160 márte gir kóterip, kúmis júlde aldy

2021 jyldyń 27 qazan 2021 13:53

RIDDER. QazAqparat – Shyǵys Qazaqstan oblysy Rıdder qalasynda turatyn Anastasııa Sevostıanova Vengrııanyń Býdapesht shaharynda ótken gir sportynan álem chempıonatynda eki kúmis aldy, dep habarlaıdy QazAqparat tilshisi.

58 kelige deıingi salmaqtaǵy eki kategorııada (áýesqoılar men ardagerler) óner kórsetken sportshy 16 kelilik girdi 10 mınýtta 160 ret julqa kóterdi.

Ol mundaı aýqymdy dodaǵa alǵash ret qatysyp otyr. Osyǵan deıin birneshe ret oblystyq jáne qalalyq chempıonattardyń jeńimpazy atanyp kelgen.

«Gir kóterýmen 7 jyl buryn aınalysa bastadym. Únemi jattyǵý jasap, daıyndalyp júremin. Biraq men birinshi kezekte anamyn. Eki balam bar. Olardy tárbıelep, úı sharýasymen aınalysamyn. Alaıda adam kóńili qalasa súıikti isine báribir ýaqyt tabady eken», - deıdi 35 jastaǵy áıel.

Onyń tek otbasy sharýalary ǵana emes, kúndelikti jumysy da bar.

Qazirgi ýaqytta «Kaztsınk» kompanııasy Rıdder baıytý kombınatynyń tehnıkalyq qujattamasynyń mamany.

Vengrııaǵa jarysqa qatysýyna osy jumys ornynyń basshylyǵy demeýshilik jasaǵan.



Joǵary qaraı