Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq sportshy baıdarka men kanoede esýden AQSh chempıony atandy

2021 jyldyń 25 tamyz 2021 16:08

OKLAHOMA-SITI. QazAqparat – 21-24 tamyz aralyǵynda Oklahoma-Sıtı qalasynda álemniń jetekshi sportshylary qatysqan baıdarka men kanoede esý boıynsha AQSh-tyń ashyq chempıonaty ótti. Tarıhta birinshi ret mundaı jarysqa qazaqstandyq baıdarka men kanoede esý mektebiniń ókili Ánýar Akchýrın qatysty. Ol amerıkandyq Gevın Rosspen birge ekilik-kanoede 200 metr qashyqtyqty esip, jeńiske jetti. Bul týraly QazAqparattyń tilshisi habarlaıdy.

Barlyǵy jarystar qorytyndysy boıynsha qazaqstandyq sportshy bir altyn men tórt kúmis medal enshiledi. Eki kúmis medaldi kanoe-ekilikte 1 000 metr qashyqtyqqa esý boıynsha jáne kanoe-tórttikte 500 metr qashyqtyqty AQSh sportshylarymen («Washington Canoe Club») esip ótkeni úshin aldy. Kúmis medaldi 200 metr qashyqtyqty esip ósý boıynsha jeke jarys kezinde, «altyndy» 200 metrlik kanoe-ekilikte, taǵy bir kúmisti «Washington Canoe Club» sportshylarymen birge kanoe-tórttikte 500 metr qashyqtyqqa esýden oljalady.

21 jastaǵy Ánýar Akchýrın – Almaty qalasynyń turǵyny. Baıdarka men kanoede esý sektsııasyna 10 jasynda Nur-Sultan qalasyndaǵy №4 olımpıadalyq rezervtegi mamandandyrylǵan balalar men jasóspirimder mektebine («Tolqyn» sport kesheni) barǵan. Halyqaralyq sanattaǵy sport sheberi. 2018 jyly astanadaǵy Nazarbaev zııatkerlik mektebin támamdaǵan.




200, 500 jáne 1 000 metrge esýden Qazaqstandyq jáne halyqaralyq jarystardyń birneshe dúrkin chempıony. Ánýardyń toptamasynda 2016 jylǵy Ózbekstanda ótken Azııa kýbogy, 2018 jyly Slovakııada ótken Halyqaralyq regatadaǵy jeńis, 2018 jyly Bolgarııada ótken jastar arasyndaǵy álem chempıonatynda 200 metr qashyqtyqqa esýden alǵan kúmis bar. Ol – 2018 jyly Ózbekstannyń Samarqand qalasynda ótken Azııa chempıonatynyń 500, 200 metrge esýden eki dúrkin chempıony.

Qazirgi kezde Ánýar mechanical engineer mamandyǵy boıynsha Florida Institute of Technology-diń 4-kýrs stýdenti.

COVID-19 pandemııasy jaǵdaıynda otandasymyz AQSh chempıonatynda joǵary nátıje kórsetý maqsatymen jarystarǵa óz betinshe jattyǵýda.





Basty sózder: Sport, AQSh,
Joǵary qaraı