Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyq tennısshi alǵash ret chellendjer týrnıriniń jartylaı fınalyna ótti

2022 jyldyń 19 mamyr 2022 19:45

ShYMKENT. QazAqparat - Qazaqstandyq Beıbit Jýkaev juptyq synda Shymkentte ótip jatqan BeeTV Challenger 80 týrnırinińjartylaı fınalyna shyqty, dep habarlaıdy QazAqparat tilshisi.

Aqtaý qalasynyń túlegi, 21 jastaǵy tennısshi reseılik Alıbek Kachmazovpen birge shırek fınalda jarystyń 4-raketkalary, reseılikter Evgenıı Tıýrnev - Evgenıı Karlovskıımen kúsh synasty.

Qazaqstandyq-reseılik jup bir saǵattan astam ýaqytqa sozylǵan matchta 6:3, 7:5 esebimen jeńiske jetti.

Beıbit pen Alıbek báseke barysynda 4 eıs jasap, 6 breık-poınttyń teń jartysyn paıdalana bildi.

«Alǵash ret chellendjer týrnıriniń jartylaı fınalyna shyqqanyma qýanyshtymyn. Shırek fınaldaǵy tartysty matchta jeńis úshin barymyzdy saldyq. Endi erteń jartylaı fınalda dodanyń ekinshi raketkalary, ózbekstandyq Sanjar Faızıev - grekııalyq Markos Kalovelonıspen kezdesemiz. Fınalǵa shyǵý úshin úzdik óner kórsete bilýimiz kerek», dedi B.Jýkaev.

Eske sala keteıik, budan buryn Zarına Dııastyń tórt aıdan keıin tennıske qaıta oralǵanyn, Aleksandr Nedovesovtiń Frantsııadaǵy jarystyń jartylaı fınalyna shyqqanyn jazǵan bolatynbyz.


Avtor Eljan Eraly
Basty sózder: Sport, Tennıs,
Joǵary qaraı