Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq tennısshi elordadaǵy týrnırdiń jeńimpazy atandy

2021 jyldyń 23 qazan 2021 21:54

NUR-SULTAN. QazAqparat – Qazaqstandyq Beıbit Jýkaev juptyq synda elordada ótip jatqan ITF World Tennis Tour M25 serııasy boıynsha halyqaralyq týrnırde jeńimpaz atandy, dep habarlaıdy QazAqparat tilshisi.

Qazaqstan tennıs federatsııasy málim etkenindeı, Aqtaý tennıs mektebiniń túlegi Beıbit Jýkaev reseılik Andreı Kýznetsovpen birge úzdik shyqty.

B.Jýkaev pen A.Kýznetsov fınalda Belarýs ókili Ivan Lıýtarevıch – reseılik Konstan Kravchýkty 7:6 (7:5), 6:4 esebimen tize búktirdi.

Bul – B.Jýkaevtyń eresekter arasynda ITF deńgeıindegi alǵashqy tabysy.

Taǵy bir qazaqstandyq Denıs Evseev jekeleı synda fınalǵa shyǵa almady. Ol jartylaı fınaldyq tartysty básekede kanadalyq Fılıp Pelıvoǵa jol berdi – 6:7 (8.10), 7:5, 3:6.

Eske sala keteıik, budan buryn Zarına Dııastyń AQSh-taǵy týrnırdiń jartylaı fınalyna shyqqanyn jazǵan bolatynbyz.



Avtor Eljan Eraly
Basty sózder: Sport,
Joǵary qaraı