Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyq tennısshi Marokkodaǵy týrnırdiń shırek fınalyna shyqty

2022 jyldyń 16 mamyr 2022 00:42

NUR-SULTAN. QazAqparat – Qazaqstandyq Anna Danılına juptyq synda Rabat (Marokko) WTA 250 týrnıriniń shırek fınalyna shyqty, dep habarlaıdy QazAqparat tilshisi.

A.Danılına amerıkalyq Ingrıd Nılmen birge bastapqy kezdesýin marokkolyq ıAsmın Kabbaı – reseılik Ekaterına Kazıonovamen ótkizdi.

Qazaqstandyq-amerıkalyq jup 6:1, 6:2 esebimen jeńiske jetti.

Bir saǵatqa sozylǵan matchta olar 11 breık-poınttyń tórteýin paıdalana bildi.

A.Danılına men I.Nıldiń shırek fınaldaǵy qarsylastary keıin anyqtalady.

Qazaqstandyq tennısshi jekeleı synda da baq synap kórgen. Alaıda irikteý saıystarynyń fınalynda reseılik Ekaterına Reıngoldqa 5:7, 1:6 esebimen jol berip, negizgi týrnırge óte almady.

Qazaqstannyń erler arasyndaǵy birinshi, álemniń 41-raketkasy Aleksandr Býblık Jeneva ATP 250 jarysynyń alǵashqy aınalymynda Polsha ókili Kamıl Maıchrzaktan jeńilip qaldy – 1:6, 7:6 (7:4), 3:6.

A.Býblık osymen qatarynan tórtinshi iri dodanyń alǵashqy aınalymynan asa almaı otyr.

Eske sala keteıik, budan buryn Shymkentte tennısten chellendjer týrnıriniń bastalǵanyn, Rolan Garros jarysyna qazaqstandyqtardan kimderdiń qatysatyny anyqtalǵanyn jazǵan bolatynbyz.


Avtor Eljan Eraly
Basty sózder: Sport, Qoǵam,
Joǵary qaraı