Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq tennısshiler Rolan Garros týrnıriniń fınalynda jeńilip qaldy

2021 jyldyń 13 maýsym 2021 00:42

NUR-SULTAN. QazAqparat – Qazaqstandyqtar Aleksandr Býblık pen Andreı Golýbev juptyq synda Rolan Garros týrnıriniń fınalynda jeńilip qaldy, dep habarlaıdy QazAqparat tilshisi.

Qazaqstandyq jup fınalda frantsııalyqtar Per-ıÝg Erber – Nıkolıa Maıýmen kúsh synasty.

Frantsııalyq jup osyǵan deıin «Úlken dýlyǵa» týrnıriniń fınalynda alty ret oınap, sonyń tórteýinde jeńiske jetken eken.

Birinshi partııada qazaqstandyqtar esesin jibermedi – 6:4.

Ekinshi sette breık jasaǵan kort ıeleri 3:1 esebimen alǵa shyqqanymen, Býblık pen Golýbev sol boıda qarymta qaıyrdy – 3:3. Esep 4:4 bolǵanda, qazaqstandyqtar taǵy bir breıkke qol jetkizdi – 5:4. Degenmen A.Býblık matchqa dop bergende, qazaqstandyq jup sol múmkindikti paıdalana almady – 5:5. Aqyry taı-breıkte frantsııalyqtar ábjildik tanytty – 7:6 (7:1).

Sheshýshi, úshinshi partııada esep 3:3 bolǵan mezette jankúıerleri qoldaǵan frantsııalyq jup breık jasap ketti. Sodan keıin matchty jeńispen túıindedi – 6:4.

Tartysty báseke 2 saǵat 10 mınýtqa sozyldy.

Degenmen erler arasynda qazaqstandyq jup alǵash ret «Úlken dýlyǵa» týrnıriniń fınalyna deıin jetti.

Eske sala keteıik, budan buryn T.Skatovtyń Almaty jarysynyń fınalyna shyqqanyn, D.Popkonyń osy týrnırdiń fınalyna shyǵa almaǵanyn jazǵan bolatynbyz.

Esesine qazaqstandyq tennısshi Bratıslavadaǵy týrnırde chempıon atandy.

Avtor Eljan Eraly
Basty sózder: Qoǵam, Sport,
Joǵary qaraı