Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq vaktsına qashan óz elimizde quıylady – Eraly Toǵjanov jaýaby

2021 jyldyń 23 maýsym 2021 17:45

NUR-SULTAN. QazAqparat – QR Premer-Mınıstriniń orynbasary Eraly Toǵjanov koronavırýsqa qarsy otandyq vaktsınany Túrkııada quıý týraly suraqtarǵa jaýap berdi, dep habarlaıdy QazAqparat tilshisi.

Onyń aıtýynsha, Úkimet otandyq vaktsınany quıýǵa qatysty túrli nusqalardy qarastyryp jatyr.

«Men vaktsınalar óndirisin kepildi túrde qamtamasyz etýim kerek. Ózderińiz jaqsy bilesizder, vaktsınalardy óndirgenge deıin, quıǵanǵa deıin – munyń barlyǵy bıologııalyq qaýipsizdik ǴZI óndiris kóleminde jasalady. Onda sýbstantsııa daıyndalady, sodan keıin ónim, sodan keıin ǵana vaktsınalar quıylady», - dedi E. Toǵjanov Ortalyq kommýnıkatsııalar qyzmetinde tilshiler suraǵyna bergen jaýabynda.

Eraly Toǵjanov Otardaǵy bıofarmatsevtıkalyq zaýyttaǵy jumystar jedeldetilgen túrde júrip jatqanyn aıtty.

«Sáýir aıynda zaýyt qurylysyn aıaqtadyq. Qazirgi ýaqytta jabdyqtardy montajdaý aıaqtaldy. 19 maýsymda biz quıý jelisin alǵash ret synama retinde iske qostyq. Negizi, Qazaqstanda da quıý múmkindigi bar. Qazir valıdatsııalyq kezeń júrip jatyr, ol bir jarym - eki aıǵa sozylady. Biz tamyz aıynyń sońynda jáne qyrkúıektiń basynda 600 myń dozany óz zaýytymyzdyń bazasynda quıamyz», - dedi E. Toǵjanov.


Joǵary qaraı