Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq zaýyt jylyna 60 mln doza vaktsına shyǵara alady – Alekseı Tsoı

2021 jyldyń 5 mamyr 2021 12:07

NUR-SULTAN. QazAqparat – Jambyl oblysyndaǵy qazaqstandyq vaktsına shyǵaratyn zaýyt jylyna 60 mln doza QazVac bere alady. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat.

Májilistiń jalpy otyrysynda palata tóraǵasy Nurlan Nyǵmatýlın Densaýlyq saqtaý mınıstrinen otandyq QazVac vaktsınasy qashan jáne qandaı kólemde qoljetimdi bolatynyn surady.

«Suraý berilgen jetkizilimderge sáıkes, biz Bıologııalyq qaýipsizdik problemalary ǴZI alańynda qazaqstandyq vaktsınanyń aı saıyn 50 myń dozasyn alamyz jáne 100 myńǵa deıin ósiremiz. Aldaǵy ýaqytta Jambyl oblysyndaǵy alań iske qosylǵanda, zaýyt jylyna 60 mln dozany qamtamasyz ete alady. Shamamen jyldyń sońynda, óıtkeni GMP ınspektsııasyn júrgizý úshin óndiristi tolyqqandy iske qosyp, tájirıbelik partııany shyǵarý qajet. Osydan keıin biz óndiristi baǵalap, vaktsına shyǵarýdy iske qosa alamyz», - dedi Alekseı Tsoı.

Buǵan deıin Májilis tóraǵasy Nurlan Nyǵmatýlın qazaqstandyq vaktsına shyǵarý boıynsha Jambyl oblysynda salynyp jatqan zaýytqa kimniń jaýapty ekenin synaǵan edi.


Joǵary qaraı