Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyq jas mamandardyń 35 paıyzy birden bastyq bolǵysy keledi - sarapshy

2022 jyldyń 27 qańtar 2022 00:14

NUR-SULTAN. QazAqparat – Qazaqstandyq jas túlekterdiń birazy memleket tarapynan júzege asyp jatqan baǵdarlamalardan habarsyz. Jáne jas mamandardyń 35 paıyzdan astamy jumysta laýazymdyq qyzmetti qalaıdy eken. Bul týraly tolyǵyraq «Atameken» ulttyq kásipkerler palatasy basqarma tóraǵasynyń orynbasary Oljas Ordabaev aıtyp berdi, dep habarlaıdy QazAqparat tilshisi.

«Búginde Nur-Sultan, Almaty jáne Shymkent qalasynda «Eńbekpen qamtýdyń mobıldi ortalyǵy» atty joba júzege asyp jatyr. Megapolısterdegi mobıldi ortalyqtar halyq jıi ornalasqan jáne shet aýdandar men bazarlarda qyzmet etýde. ıAǵnı, ortalyq mamandary atalǵan aýmaqtarda jastarǵa bilim berý men eńbekpen qamtýǵa qatysty keńes beredi. Ókinishke qaraı, kóptegen jastar memleket tarapynan qandaı baǵdarlamalardyń júzege asyp jatqanynan beıhabar», - dedi Oljas Ordabaev «Habar-24» telearnasynyń «Intervıý» baǵdarlamasynyń efırinde.

Onyń aıtýynsha, qolynda dıplomy bar túlek jumys izdeý jolynda qaıda júginý kerektigin bile bermeıdi.

Sondaı-aq, efır qonaǵy qazirgi jastardyń laýazymdyq qyzmetke qumar ekenin alǵa tartty.

«Bizge júginetin jastardyń 35 paıyzdan astamy eńbek ótili men jumys tájirıbesine qaramastan, laýazymdy qyzmetti qarastyrady. ıAǵnı, jetekshilik qyzmetke qyzyǵýshylyq tanytady. Qatardaǵy qyzmetker emes, birden basqarǵysy keledi», - deıdi ol.

Buǵan deıin «Atameken» UKP ókili Qazaqstanda oqý bitirgen jastardyń jumys taba almaýynyń sebebin túsindirgen edi.

Joǵary qaraı