Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq jas tennısshi Grýzııada eki márte chempıon atandy

2021 jyldyń 21 maýsym 2021 03:27

NUR-SULTAN. QazAqparat – Qazaqstandyq Ámir Omarhanov Grýzııa astanasy Tbılısıde Tennis Europe16&U serııasy boıynsha jasóspirimder arasynda ótken «Rena Dato Cup» halyqaralyq týrnırinde jekeleı jáne juptyq synda chempıon atandy, dep habarlaıdy QazAqparat tilshisi.

Qazaqstan tennıs federatsııasy málim etkenindeı, Á.Omarhanov juptyq synda otandasy Artem Sıdorovpen birge fınalda belorýssııalyq Stanıslav Býlbınko – ýkraınalyq Igor Soloveımen bas júldeni sarapqa saldy.

Budan bir apta duryn dál osyndaı jarysta qazaqstandyqtar qarsylastaryna fınalda sýper taı-breıkte 4:6, 6:3, 7:10 esebimen ese jibergen edi. Bul joly qazaqstandyq jup qarymta qaıyrdy – 6:3, 6:3.

Jekeleı synda A.Sıdorov jartylaı fınalǵa deıin jetip, onda jarystyń birinshi raketkasy, reseılik Ivan ıÝtkınnen utylyp qaldy – 4:6, 4:6. Esesine Á.Omarhanov jartylaı fınalda reseılik Anton Karattsevti oısyrata jeńdi – 6:1, 6:0. Al asa tartysty ótken sońǵy básekede I.ıÝtkınnen aılasyn asyra bildi – 7:6 (7:5), 3:6, 6:2.

Osylaısha Tbılısıde eki márte jeńimpaz atanǵan Á.Omarhanov Reseıde óz jas ereksheligine qaraı besinshi raketka bolyp otyrǵan I.ıÝtkınmen alǵash ret kezdeskenin jetkizdi.

Bul – Ámirdiń TE serııasyndaǵy bıylǵy maýsymdaǵy úshinshi tabysy. Sonyń arqasynda 14 jasqa deıingiler arasynda Eýropa reıtıngisinde 54-orynǵa kóterildi.

Eske sala keteıik, budan buryn M.Kýkýshkınniń Istbýrn týrnıriniń irikteý saıysyn sátti bastap, negizgi jarysqa joldama alǵanyn jazǵan bolatynbyz.







Avtor Eljan Eraly
Basty sózder: Sport,
Joǵary qaraı