Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq jas tennısshiler Armenııada ótken týrnırdiń jeńimpazy atandy

2021 jyldyń 17 qazan 2021 18:07

NUR-SULTAN. QazAqparat – Qazaqstandyq jas tennısshiler Asyljan Arystanbekova men Aııa Nupbaı juptyq synda Armenııa astanasy Erevanda ótken besinshi sanattaǵy J5 YEREVAN CUP týrnıriniń jeńimpazy atandy, dep habarlaıdy QazAqparat tilshisi.

Qazaqstan tennıs federatsııasy málim etkenindeı, A.Arystanbekova men A.Nupbaı fınalda reseılikter Arına Arıfýlına men Darıa Egorovany 7:6 (7:5), 6:1 esebimen utty.

Bul Asyljannyń óz sporttyq jolyndaǵy ekinshi tıtýly edi. Al Aııa juptyq synda jasóspirimder arasyndaǵy I TF jarysynda alǵashqy tabysyna qol jetkizdi.

Jekeleı synda A.Nupbaı jartylaı fınalda úsh settik matchta D.Egorovaǵa ese jiberdi.

Taǵy bir qazaqstandyq, 17 jastaǵy Tatıana Nıkolenko ońtústikafrıkalyq Stellenbos qalasynda osyndaı jarystyń fınalynda slovakııalyq Irına Balýshtan utylyp qaldy – 1:6, 0:6.

Eske sala keteıik, budan buryn Elena Rybakınanyń juptyq synda Indıan-Ýells jarysynyń fınalynda jeńilip qalǵanyn, qazaqstandyq tennısshilerdiń Máskeýde Kreml kýbogynda baq synaıtynyn jazǵan bolatynbyz.





Basty sózder: Sport,
Joǵary qaraı