Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyq jas tennısshiler Bishkektegi týrnırde úzdik shyqty

2022 jyldyń 23 mamyr 2022 09:21

BІShKEK. QazAqparat – Qyrǵyzstan astanasy Bishkekte besinshi sanattaǵy ITF Juniors jarysy márege jetti, dep habarlaıdy QazAqparat tilshisi.

Qazaqstan tennıs federatsııasy málim etkendeı, almatylyq Anastasııa Krymkova jekeleı synda fınalǵa deıin jetip, reseılik Emılııa Kattsqa ese jiberdi – 3:6, 2:6.

Juptyq synda taǵy bir qazaqstandyq Stefanııa Shalahova jeńimpaz atandy. Ol qyrǵyzstandyq Vladıslava Andreevskaıamen birge fınalda tartysty básekede Anastasııa Krymkova – reseılik Polına Bolotovany utty – 1:6, 6:1, 10:8.

Bozbalalar arasynda Danır Qaldybekov te jankúıerlerin qýantty. Ol qazaqstandyq Oleg Gýsakovpen birge sońǵy básekede otandasy Ilıa Vedmed – ózbekstandyq Artýr Ibragımovten aılasyn asyrdy – 6:3, 7:6 (8:6).

Eske sala keteıik, budan buryn qazaqstandyq jas tennısshilerdiń halyqaralyq jarystarda jeńimpaz atanǵanyn jazǵan bolatynbyz.


Avtor Eljan Eraly
Basty sózder: Sport, Tennıs, Qyrǵyzstan,
Joǵary qaraı