Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyq jas tennısshiler Eýropadaǵy týrnırlerde jeńiske jetti

2022 jyldyń 27 mamyr 2022 20:09

NUR-SULTAN. QazAqparat – Qazaqstandyq jas tennısshiler Túrkııa men Armenııada 14 jasqa deıingiler arasynda ótken Tennis Europe jarystarynda jeńimpaz atandy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, Armenııa astanasy Erevan qalasynda ekinshi sanattaǵy Gold Gym Yerevan Cup týrnıriniń fınaldarynda qazaqstandyqtar ózara bas júldeni sarapqa saldy.

Jekeleı synda elordalyq Mansur Sháken Eýropa reıtıngisinde kósh bastap kele jatqan almatylyq Zańǵar Nurlanulyn tartysty básekede 6:2, 3:6, 6:1 esebimen utty. Bul Mansurdyń jekeleı syndaǵy alǵashqy tıtýly edi.

Juptyq synda Zańǵar Nurlanuly chempıondyq tuǵyrǵa kóterildi. Ol armenııalyq Mıkael Avanesıanmen birge sońǵy básekede qazaqstandyqtar Mansur Sháken – aqtóbelik Demıd Gorbachevtan aılasyn asyrdy – 6:3, 6:2.

Túrkııanyń Adana qalasynda ótken osyndaı dodada qazaqstandyq jas tennısshiler juptyq synda sátti óner kórsetti. Qyzdar arasynda aqtóbelik Eva Korysheva elordalyq Arýjan Nuranbaımen birge fınalda kort ıelerin 6:3, 6:0 esebimen oısyrata jeńdi.

Jekeleı synda E.Korysheva jartylaı fınalǵa deıin jetip, pákstandyq tennısshige jol berdi – 3:6, 3:6.

Uldar arasynda almatylyq Mıhaıl Mıenko astanalyq Damır Dúısenǵazınmen birge sheshýshi matchta aqtóbelikter Temýdjın Eskendirov pen Danıel ıÝreklıdi 6:1, 6:1 esebimen tize búktirdi.

Eske sala keteıik, budan buryn Elena Rybakınanyń Rolan Garros týrnıriniń úshinshi aınalymyna shyqqanyn jazǵan bolatynbyz.

Sondaı-aq qazaqstandyq jas tennısshi Rolan Garros týrnırin sátti bastady.



Avtor Eljan Eraly
Basty sózder: Sport, Qoǵam,
Joǵary qaraı