Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyqtar 2020 jyly qansha altyn quıma satyp aldy

2021 jyldyń 20 qańtar 2021 13:26

ALMATY. QazAqparat – El turǵyndary 2020 jyly ekinshi deńgeıli bankterden jáne banktik emes aıyrbastaý pýnkterinen jalpy salmaǵy 890 keli, 21 099 altyn quıma satyp aldy, dep habarlaıdy QazAqparat tilshisi.

Qazirgi ýaqytta altyn quımalardy Halyk Bank-te, Eýrazııalyq Bankte, Jýsan Bank pen Bank TsentrKredıtte, sondaı-aq keıbir banktik emes aıyrbastaý oryndarynda satyp alýǵa nemese satýǵa bolady.

2020 jyly el azamattary ekinshi deńgeıli bankterden jáne banktik emes jeke aıyrbastaý pýnktterinen jalpy salmaǵy 890 keli bolatyn 21 099 ólshengen quımalardy satyp aldy. Osylaısha, 2019 jylmen salystyrǵanda ósim 34%-ǵa jetti.

Ulttyq banktiń málimetinshe, 2017 jyldan bastap jalpy salmaǵy 1,57 tonna bolatyn 42 579 altyn quıma satyldy.

Altyn quımalary 5, 10, 20, 50 jáne 100 gramdyq bolyp bes salmaqta satylǵan. Sonyń ishinde eń kóp satylǵany 100 gramdyq quıma.

«Keri satyp alýǵa jalpy massasy 3,4 keli 131 quıma qabyldandy. Altyn quımalar – ınvestıtsııalaýdyń senimdi quraly bola alady. Bankterdiń jáne banktik emes aıyrbastaý pýnkteriniń klıentke «sol kúni» aqsha tóleı otyryp, quımalardy keri satyp alý múmkindigi – altyn quımalar naryǵynyń ótimdiligin qamtamasyz etýdiń negizgi faktory»,– dep habarlady Ulttyq bank.

Árbir quıma qorǵanysh elementterimen jabdyqtalǵan (quımalardyń bet jaǵy aınadaı, mıkromátin jáne bederli gýrt), sonymen birge quımalardy mehanıkalyq zaqymdanýdan qorǵaıtyn jáne qaptamasynyń ashylǵan-ashylmaǵanyn tez anyqtaýǵa múmkindik beretin arnaıy qaptamada shyǵarylady. Qorǵanysh qaptamasy da quıma sapasynyń sertıfıkaty sanalady. Sondyqtan quımany uqypty saqtap, qaptamasyn ashpaǵan durys.


Avtor Alma Muqanova
Basty sózder: Almaty, Ekonomıka,
Joǵary qaraı