Aýa raıy
Astana 16 °S
Almaty 21 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstandyqtar 6 aıda 313,4 mlrd teńgege 35 myń jańa jeńil kólik satyp aldy

2020 jyldyń 13 shilde 2020 16:19

NUR-SULTAN. QazAqparat - 2020 jyldyń І jartyjyldyǵynda qazaqstandyqtar 313,4 mlrd teńgege 35 myńnan astam jańa jeńil kólik satyp aldy, dep habarlaıdy QazAqparat tilshisi.

«QazAvtoÓnerkásip» Qazaqstannyń avtomobıl salasy kásiporyndary odaǵynyń málimetinshe, 6 aıdyń ishinde resmı dıllerler 35 086 kólik satqan. Bul bir jyl burynǵy kórsetkishten 13,8 paıyzǵa joǵary. Esepti kezeń ishinde qazaqstandyqtar 313,4 mlrd teńgeni jańa kólik satyp alýǵa jumsaǵan. Bul 2019 jyldyń 6 aıyndaǵy kórsetkishten 8,1 paıyzǵa artyq.

Osy jyldyń tek maýsym aıynda ǵana 83,4 mlrd teńgege 9 677 jańa kólik satyldy. Osylaısha ótken aıda mamyrmen salystyrǵanda kólik naryǵyndaǵy saýda 35,8 paıyzǵa ulǵaıǵan. Qazaqstandyqtar 6 aıda elimizdiń avtozaýyttarynda qurastyrylǵan 24 314 kólikti satyp aldy. Al satylǵan 10 772 avtomobıl ımport enshisinde.

2020 jyldyń 6 aıynda el azamattary arasynda zor suranysqa ıe bolǵan kólikterdiń qatarynda Lada (7957), Hyundai (6792), Toyota (4731), Ravon (4195) jáne KIA (3080) avtomobıli bar. Sonymen qatar suranysy TOR-10 markaǵa Renault (1278), GAZ (1143), Nissan (937), Volkswagen (883) jáne UAZ (843) kóligi kirip otyr.

Kólik satyp alýda Almaty qalasynyń turǵyndary belsendi. Olar 6 aıda 8 578, nursultandyqtar 5 912, shymkenttikter 3 414, qostanaılyqtar 2 318, qaraǵandylyqtar 2 162, atyraýlyqtar 1 751, óskemendikter 1 667, oraldyqtar 1 550, palodarlyqtar 1 501 jáne aqtaýlyqtar 1 340 avtomobıl satyp alǵan.


Avtor Marlan Jıembaı
Basty sózder: Kólik, Ekonomıka, Qoǵam,
Joǵary qaraı