Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyqtar qazan aıynda jalpy salmaǵy 88,6 keli bolatyn altyn quımalar satyp alǵan

2021 jyldyń 17 qarasha 2021 12:43

NUR-SULTAN. QazAqparat – Elimizde qazan aıynda 2800-den astam altyn quıma satyldy, dep habarlaıdy QazAqparat Ulttyq banktiń saıtyna silteme jasap.

Qazan aıynda ekinshi deńgeıli bankter men banktik emes aıyrbastaý pýnkterinen jalpy salmaǵy 88,6 kg ólshengen 2 814 quıma satyldy.

Tazartylǵan altyn quımany satý jáne satyp alý baǵdarlamasyn Ulttyq bank 2017 jyly iske qosqan. Sodan beri jalpy salmaǵy 2,5 tonna 68 230 altyn quıma satyldy.

«Altyn quımalardyń bes túri satylady: 5, 10, 20, 50 jáne 100 g salmaqtaǵy quımalar. Al satyp alýshylar arasynda eń kóp suranysqa ıe quıma – 10 gramdyq. Onyń jalpy satylym kólemindegi úlesi 28% nemese 19 090 dana. Odan keıin suranysqa ıe túrleri – salmaǵy 100 gramm – 15 204 dana (22%) jáne 20 gramdyq – 13 282 dana (20%), 5 gramdyq – 11 651 dana (17%), 50 gramdyq – 9 003 (13%) quıma. Kóbinese, altyn quımalar Almaty, Nur-Sultan jáne Atyraý qalalarynyń turǵyndary arasynda suranysqa ıe», delingen habarlamada.

Ulttyq banktiń málimdeýinshe, jalpy, altyn quımalar – ınvestıtsııanyń senimdi quraly. Altyn quıma naryǵyndaǵy joǵary satylymdy qamtamasyz etetin basty faktordyń biri – ekinshi deńgeıli bankter men banktik emes uıymdar tutynýshyǵa aqshany tapsyrǵan kúni tólep, altyn quımany keri satyp ala alady.

Baǵdarlama iske qosylǵannan beri ekinshi deńgeıli bankter men aıyrbastaý pýnkteri jalpy salmaǵy 247 kg ólshengen 10 126 quımany keri satyp aldy. Bul jalpy quımalardyń 15%-y. Qabyldanǵan quımalardyń barlyǵy Ulttyq banktiń aýmaqtyń fılıaldaryna qaıtarylmastan halyqqa satylady.

«Árbir altyn quımada ony qorǵap turatyn elementteri bar (quımalardyń beti qaptalyp, mıkroteksı jazylady jáne releft jıegi salynady) jáne arnaıy qorapqa salynady, qorap quımany zaqymdaýdan qorǵaıdy, ári qorap ashylǵan-ashylmaǵanyn ońaı tekserýge bolady. Qorap, sondaı-aq, sapa sertıfıkatyna da jaýap beredi. Sondyqtan, quımany durys saqtap, qorabyn búldirmegen jón», delingen habarlamada.

Ulttyq banktiń málimetinshe, qazir altyn quımalardy Halyk Bank, Eýrazııalyq bank, Jusan Bank, BankTsentrKredıt jáne banktik emes aıyrbastaý pýnkterinen satyp alýǵa bolady.


Basty sózder: QR Ulttyq banki, Altyn,
Joǵary qaraı