Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyqtar tamyz aıynda 2,4 myńnan astam altyn quıma satyp aldy

2021 jyldyń 21 qyrkúıek 2021 15:56

ALMATY. QazAqparat – El turǵyndary 2021 jyldyń tamyz aıynda 2400-den astam altyn quıma satyp aldy, dep habarlaıdy QazAqparat QR Ulttyq bankiniń baspasóz qyzmetine silteme jasap.

2021 jyldyń tamyz aıynda qazaqstandyqtar ekinshi deńgeıdegi bankterden jáne aıyrbastaý pýnktterinen jalpy salmaǵy 113,7 keli 2460 ólshemdi quıma satyp aldy.

Altyn quımalary 5, 10, 20, 50 jáne 100 gramdyq bolyp bes salmaqta satylǵan. Sonyń ishinde eń kóp satylǵany 10 gramdyq quıma.

Negizinen, ólshengen quımalar Almaty, Nur-Sultan jáne Atyraý qalalarynda suranysqa ıe.

Árbir quıma qorǵanysh elementterimen (quımalardyń bet jaǵy aınadaı, mıkromátin jáne bederli gýrt) jáne quımalardy mehanıkalyq zaqymdanýdan qorǵaıtyn jáne oraýy ashylǵanyn nemese ashylmaǵanyn tez anyqtaýǵa múmkindik beretin arnaıy oraýda shyǵarylady. Qorǵanysh oraýy quıma sapasynyń sertıfıkatyn bildiredi.

Qazirgi kezde altyn quımalaryn Halyk Bank-ten, Eýrazııalyq ankten, Jýsan Bank-ten, Bank TsentrKredıtten, sondaı-aq aıyrbastaý pýnkterinen satyp alýǵa jáne olardy qaıta ótkizýge bolady.


Avtor Alma Muqanova
Basty sózder: Qarjy, Ekonomıka, Almaty,
Joǵary qaraı