Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyqtar jeke basyna qatysty qate málimetterdi eGov-ta onlaın túzete alady

2022 jyldyń 24 mamyr 2022 14:35

NUR-SULTAN. QazAqparat – Qazaqstandyqtar jeke basyna qatysty qate málimetterdi eGov arqyly onlaın túzetý múmkindigine ıe bolady. Bul týraly QR QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

«Jeke derekterdiń jalǵan, sáıkes kelmeý faktileri bar. Mysaly, sizdiń 4 balańyz bolǵanymen, eGov-ta 3 bala dep kórsetip turady. Nemese múldem balasy álde jubaıy joq dep kórsetedi. Muny qalaı retke keltirýge bolady? Buryn AHAT-qa, anda-mynda barýshy edińizder. Endi eGov-tyń ishinde bir túımeni basyp, sol jerge ózińizdiń málimetterińizdi, týý týraly kýálik, jeke kýálik sýretin júkteý múmkindigin qarastyryp jatyrmyz. Al jasy úlken ne eGov-ty qoldana almaıtyn azamattar Halyqqa qyzmet kórsetý ortalyqtaryna baryp, ótinish bere alady. Biraq, bul protsess 3 kúnniń ishinde aıaqtalýy tıis, málimetter bazaǵa kirýi qajet», - dedi mınıstr Aqtóbe oblysy jurtshylyǵymen kezdesý barysynda.

Onyń aıtýynsha, keshe Úkimet basshysynyń tóraǵalyǵymen tsıfrlandyrý komıssııasynyń otyrysy ótken. Otyrys qorytyndysymen osyndaı is-sharalar bekitildi.

«Bul halqymyz úshin úlken problema bolatyn», - dedi Baǵdat Mýsın.


Joǵary qaraı