Aýa raıy
Astana -14 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyqtardyń  25 paıyzy PIAAC nátıjesinde saýattylyqtyń joǵary deńgeıin kórsetti

2020 jyldyń 20 qazan 2020 15:02

NUR-SULTAN. QazAqparat - Qazaqstan halqynyń 25 paıyzy PIAAC nátıjesinde saýattylyqtyń joǵary deńgeıin kórsetti. Bul týraly «Aqparattyq-saraptamalyq ortalyq» AQ prezıdenti Erlan Shýlanov aıtty, dep habarlaıdy QazAqparat tilshisi.

«16 men 65 jas aralyǵynda eresek halyqtyń daǵdysyn baǵalaýǵa nazar aýdartqym keledi. PIAAC zertteýi 2018 jyly júrgizildi. Jalpy nátıje mynadaı: Qazaqstan halqy tabysy uqsas 39 eldiń ishinde úzdik nátıje kórsetti. Bul Dúnıejúzilik banktiń damýshy elder jiktemesi boıynsha. Bul rette kóptegen pozıtsııada biz Eýropa yntymaqtastyq jáne damý uıymynyń (EYDU) jetekshi elderinen qalyp kelemiz. Ólshem el tarıhynda alǵash ret ótkizilip otyr. Zertteý aıasynda alynǵan málimetterdiń balamasy joq. Óıtkeni, óte kóp eldermen salystyrýlar bar. Zertteý oqý saýattylyǵy, matematıkalyq saýattylyq jáne joǵary tehnologııalyq ortada tapsyrmalardy sheshý daǵdylary boıynsha júrgizildi. Qazaqstannyń barlyq óńirinen túrli jastaǵy 6 myń adam qatysty. Zertteý test tapsyrmalaryn elektrondy jáne qaǵaz formatta toltyrý arqyly júrgizildi», - dedi Erlan Shýlanov Bilim jáne ǵylym mınıstrliginiń apparattyq keńesi barysynda.

Onyń dereginshe, oqý saýattylyǵy boıynsha qazaqstandyqtardyń kórsetkishi Túrkııa men Meksıkadan asyp túsip, Italııa men Ispanııa syndy elderdiń deńgeıimen shamalas bolǵan. Al matematıkalyq saýattylyqtan EYDU-nyń ortasha kórsetkishinen artta qalý baıqalady. Degenmen, Qazaqstan 247 balmen 31-orynda tur. Bul Meksıka, Ispanııa, Túrkııa, Italııa elderiniń kórsetkishinen áldeqaıda jaqsy jáne Izraıl deńgeıimen shamalas.

«Joǵary tehnologııalyq ortada tapsyrmalardy sheshý daǵdysy boıynsha Qazaqstannyń kórsetkishi EYDU-nyń ortasha deńgeıinen artta qalyp otyr. Bul rette biz Túrkııa men Meksıkany basyp ozyp, Shyǵys Eýropanyń birqatar elderi deńgeıindegi daǵdyny kórsetip otyrmyz. Kórsetkish jaman emes bolǵanymen saralaıtyn jaıttar da bar. Tyńǵylyq saraptaý barysynda halyqtyń 50 paıyzy oqý saýaty boıynsha ortasha deńgeı, 25 paıyzy joǵary deńgeı kórsetti. Halyqtyń shamamen 25 paıyzynyń kórsetkishi tym tómen», - dedi ol.

Joǵary qaraı