Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyqtardyń 40 paıyzǵa jýyǵy halyq sanaǵyna onlaın qatysty

2021 jyldyń 18 qazan 2021 15:11

NUR-SULTAN. QazAqparat - Halyq sanaǵynyń saýaldaryna qazaqstandyqtardyń 39,6 protsenti onlaın rejımde jaýap berdi. Bul týraly Ulttyq statıstıka bıýrosynyń basshysy Nurbolat Aıdapkelov málimdedi, dep habarlaıdy QazAqparat.

«16 qazannan bastap sanaq saýaldaryna onlaın rejımde jaýap berý fýnktsııasy toqtatyldy. 45 kún ishinde halqymyzdyń 40 protsentke (39,6% nemese 7527458 adam) jýyǵy sanaqtan ótýdiń osy jolyn tańdady. Al bizdiń ıntervıýerler 3 mıllıon 792 myńnan asa adammen saýalnama júrgizgen. Osylaısha, sanaqtan ótkender úlesi 60 protsentke jetti», - dedi bıýro basshysy.

Onlaın sanaqtan ótpegender qazannyń 30-yna deıin úılerdi aralaıtyn ıntervıýerlerdiń kómegimen sharaǵa qatysa alady.

Onlaın ótkender tıisti habarlamany ıntervıýerlerge kórsetýi tıis. Olarǵa saýalnama qaıta júrgizilmeıdi.

Sanaqshylarda Halyq sanaǵynyń logotıpi bederlengen kók tústi sharf pen sómke, plansheti jáne sanaq qyzmetkeri ekenin rastaıtyn kýáligi bolady.

Ol kýáliktegi tirkeý nómiri arqyly ıntervıýer týraly málimetterdi sanaq.gov.kz saıtynda tekserý múmkindigi bar.

Odan bólek, 1446 nómirine habarlasýǵa bolady. Baılanys ortalyǵy táýlik boıy jumys isteıdi.

«Halyq sanaǵy elimiz úshin asa mańyzdy shara. Sondyqtan oǵan bir kisideı barshamyz jumylyp at salysýymyz qajet. Intervıýerler de el azamattary ekenin umytpaıyq. Eńbegin baǵalap, qurmet kórsetip, túsinistik tanytýlaryńyzdy suraımyz»,- dep atap ótti Nurbolat Aıdapkelov.

Aıta keteıik, sanaqtyń negizgi kezeńi aıaqtalǵan soń, qarashanyń 1-7 aralyǵynda sanaq ótkizý ádistemesine sáıkes, baqylaý aralaý qarastyrylǵan.

Bul kezeńde shamamen 10 protsent respondent qamtylady.


Joǵary qaraı