Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Qazaqstandyqtardyń ortasha otbasylyq tabysy 400 myń teńgeden asady

2019 jyldyń 17 qyrkúıek 2019 12:21

NUR-SULTAN. QazAqparat – Qazaqstandyqtardyń ortasha otbasylyq tabysy 421,5 myń teńgege jetti. Bul týraly QazAqparat Finprom.kz silteme jasap habarlaıdy.

«2019 jylǵy ekinshi toqsannyń qorytyndysy boıynsha, úı sharýashylyqtarynyń aqshalaı tabysy 579 myń teńgeni qurap, ótken jyldyń sáıkes kezeńimen salystyrǵanda 10,7%-ǵa artty. Otbasylyq kirister ósýiniń negizgi kózi eńbek qyzmetinen túsetin tabystardyń ortasha eseppen 7,6 paıyzǵa artýymen baılanysty. Ekinshi toqsan sońyndaǵy derekter boıynsha árbir otbasy eńbek qyzmetimen orta eseppen 421,5 myń teńge tabady», - dep jazady Finprom.kz.

Saıttyń jazýyna qaraǵanda, úı ishi tabysynyń eń úlken somasy Mańǵystaý oblysynda tirkelgen (852,2 myń teńge). Otbasylary orta eseppen 741,2 myń teńge tabatyn Nur-Sultan qalasy ekinshi orynda tursa, 673,2 myń teńgelik kórsetkishpen Qyzylorda oblysy úzdik úshtikti túıindep tur.

Eldiń 7 óńirinde otbasylyq tabys mólsheri 421,5 myń teńge kólemindegi respýblıkalyq ortasha kórsetkishten joǵary bolǵan.

Finprom.kz. málimeti boıynsha, qazaqstandyq otbasylardyń shyǵyny tabysynan asyp túsken. Ekinshi toqsan qorytyndysy boıynsha, bir otbasynyń oratasha shyǵyny 543,3 myń teńge bolyp otyr.

Shyǵyn kólemi boıynsha Almaty qalasy (680,8 myń teńge), Atyraý (638,8 myń teńge) jáne Qaraǵandy oblystary (630,8 myń teńge) alǵashqy úshtikte tur. Óńirler arasynda bárinen de Pavlodar oblysyndaǵy otbasylardyń shyǵyny qatty artqan (15,8 paıyz).

«Bul shyǵyndardyń 62,7 paıyzy tutyný shyǵyndarymen baılanysty. Ekinshi toqsanda ortasha otbasylyq shyǵyn 543,3 myń teńge dep eseptegende, onyń 504 myń teńgesi tutyný shyǵyndaryna, 24,9 myń teńgesi nesıe men qaryzdardy jabýǵa, 13,8 myń teńgesi alıment tóleý sııaqty týysqandyq kómekke, 693 teńgesi salyq óteýge jumsalǵan», - delingen málimette.


Avtor Esimjan Naqtybaı
Basty sózder: Statıstıka, Qoǵam,
Joǵary qaraı