Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyqtardyń zeınetaqy aktıvteri qaıda ınvestıtsııalanǵan

2021 jyldyń 31 tamyz 2021 11:29

ALMATY. QazAqparat - Biryńǵaı jınaqtaýshy zeınetaqy qory (BJZQ) zeınetaqy jınaqtary qaıda ınvestıtsııalanǵanyn aıtyp berdi, dep habarlaıdy QazAqparat tilshisi.

Atap aıtqanda, 2021 jyldyń 1 tamyzyndaǵy jaǵdaı boıynsha, BJZQ zeınetaqy aktıvteri portfeliniń kólemi 821,5 mlrd teńge. Onyń ishinde QR Ulttyq bankiniń senimgerlikpen basqarýshy retinde 2021 jyldyń basynan beri túsirgen ınvestıtsııalyq tabysynyń mólsheri 821, 40 mlrd teńge boldy.

2021 jyldyń 1 tamyzyna QR Ulttyq bankiniń senimgerlik basqarýyndaǵy BJZQ aktıvteri 12 811,56 mlrd teńgege jetti.

QR Ulttyq qoryn basqarý jónindegi Keńes maquldaǵan 2021 jylǵa arnalǵan baǵyttar sheńberinde (senimgerlikpen basqarýshy retinde) ınvestıtsııalaýdyń negizgi baǵyttary bylaısha berilgen:

- QR Qarjy mınıstrligi shyǵarǵan, aǵymdaǵy quny 4 966,95 mlrd teńgeni (búkil portfeldiń 38,77%) quraıtyn QR Memlekettik baǵaly qaǵazdary. Jyl basynan beri portfeldegi MBQ úlesi 12% asa kólemge azaıdy.QR Qarjy mınıstrliginiń teńgege nomınaldanǵan MBQ boıynsha óteýge ortasha alynǵan kiristilik jylyna 9,1%, AQSh dollarynda jylyna 4,2% boldy.

- QR kvazımemlekettik uıymdarynyń oblıgatsııalary (aǵymdaǵy quny 1 749,38 mlrd teńge. Olardyń portfeldegi úlesi – 13,65%). QR kvazımemlekettik uıymdarynyń teńgemen nomınaldanǵan oblıgatsııalary boıynsha óteýge ortasha alynǵan kiristilik jylyna 10,8%, AQSh dollarymen jylyna 5,5%.

- sheteldik memleketterdiń memlekettik baǵaly qaǵazdary 1 193,86 mlrd teńge boldy. Olardyń portfeldegi úlesi – 9,32%. BJZQ-nyń portfelindegi esepti kúndegi sheteldik memleketterdiń MBQ óteýge ortasha alynǵan kiristilik jylyna 0,2%.

- 1 069,10 mlrd teńge (8,34%) somasyna QR ekinshi deńgeıdegi bankteriniń oblıgatsııalary. QR EDB teńgege nomınaldanǵan oblıgatsııalary boıynsha óteýge ortasha alynǵan kiristilik esepti kúnge jylyna 10,0%.

- 1 239,35 mlrd teńge (portfeldiń 9,67%-y) mólsherindegi syrtqy basqarýdaǵy aktıvter. 2021 jyldyń 1 qańtarymen salystyrǵanda ósim 51,78 %.

- ulttyq valıýtadaǵy ınvestıtsııalar – 68,2%, AQSh dollarynda – 31,74%, Reseı rýblinde jáne basqa valıýtada – zeınetaqy aktıvteri portfeliniń 0,06%.


Joǵary qaraı