Aýa raıy
Astana 9 °S
Almaty 22 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyqtarǵa shildede azyq-túlik pen qajettilikter úshin 5,4 mlrd teńge aýdaryldy

2020 jyldyń 6 tamyz 2020 14:53

NUR-SULTAN. QazAqparat - Aǵymdaǵy jyldyń shilde aıynda 1 mln-ǵa jýyq qazaqstandyq jalpy somasy 5,4 mlrd teńgege azyq-túlik jáne turmystyq jıyntyqtar úshin tólem aldy, dep habarlaıdy QazAqparat tilshisi.

QR Eńbek jáne halyqty áleýmettik qorǵaý mınıstrliginiń baspasóz qyzmetinen habarlaǵanyndaı, á leýmettik qoldaýdyń bul túrimen 1,1 mln adamdy qamtý josparlanyp otyr .

Budan buryn habarlanǵandaı, Memleket basshysynyń tapsyrmasy boıynsha tótenshe jaǵdaı rejımi men koronavırýstyq ınfektsııamen kúres jónindegi karantındik sharalar kezeńinde azamattardy áleýmettik qoldaý maqsatynda azyq-túlik jáne turmystyq jıyntyq alýshylardyń tizimi keńeıtildi. Azamattardyń qarym-qatynas jasaýyn azaıtý jáne COVID-19 taralýyn boldyrmaý úshin jıyntyqtar balama aqshalaı tólemdermen almastyryldy.

Kelesi 5 áleýmettik topqa jatatyn azamattar tólem alýshylar bolyp tabylady:

- ataýly áleýmettik kómek alýshylar qataryndaǵy, onyń ishinde kópbalaly otbasylardaǵy 6 jastan 18 jasqa deıingi balalar;

- medıtsınalyq-áleýmettik mekemelerde turaqty turatyn múgedekterdi qospaǵanda, 16 jasqa deıingi múgedek balalar;

- medıtsınalyq, áleýmettik mekemelerde turaqty turatyn múgedekterdi qospaǵanda, barlyq jastaǵy I, II, III toptaǵy múgedekter;

- múgedek balany tárbıelep otyrǵan adamdar;

- jumyspen qamtý máseleleri boıynsha jergilikti organda tirkelgen jumyssyz azamattar.

Kómektiń osy túrin alýshylardyń tizimderin jergilikti atqarýshy organdar qalyptastyrady.

Aǵymdaǵy jylǵy naýryz-mamyr aılary aralyǵynda mólsheri 13,5 mlrd teńge bolatyn bul tólemder jalpy somasy 1 mln adamǵa esepteldi.

Esterińizge sala keteıik, 14 shildede QR Premer-Mınıstri Asqar Mamın Úkimet otyrysynda QR Eńbek jáne halyqty áleýmettik qorǵaý mınıstrligine qazaqstandyqtarǵa aǵymdaǵy jyldyń shilde aıynda azyq-túlik jáne turmystyq jıyntyqtar úshin aqshalaı qarajat tóleýdi bastaýdy tapsyrǵan bolatyn.


Joǵary qaraı