Aýa raıy
Astana -9 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanǵa Qytaıdan júk tasymaldaýdyń jańa baǵyty ashyldy - Sheteldegi qazaq tildi BAQ-qa sholý

2020 jyldyń 22 qarasha 2020 13:50

NUR-SULTAN. QazAqparat- «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

Egov.kz týraly: Mońǵolııadaǵy Qazaqstan azamattarynyń nazaryna - Kaznews

Osy aptada Kaznews portaly «Elektrondyq úkimet – Egov.kz» qyzmetteri týraly Mońǵolııadaǵy QR azamattaryna aqparat taratty. Qazaqstan Respýblıkasynyń azamattary qazirgi dúnıejúzilik pandemııa jáne áleýmettik qashyqtyqty ustaý jaǵdaılaryn eskere otyryp, Qazaqstan Respýblıkasynyń Mońǵolııadaǵy Elshiligi QR-nyń barlyq azamattaryna birqatar máseleni eske salady.





Atalǵan BAQ-tyń dereginshe, «Egov.kz – elektrondyq úkimet» portaly arqyly kóptegen memlekettik qyzmetterdi elektrondyq formatta Mońǵolııada júrip-aq ala alady. Sondaı-aq, búgingi tańda memlekettik qyzmetterdiń 87% -dan astamy «Egov.kz» saıtynda qol jetimdi ekenin atap ótiledi. «Atalǵan saıtta memlekettik qyzmetterdi alǵannan keıin siz ózińizdiń mártebeńizdi rastaý úshin tıisti qujatty nemese anyqtamany (mysaly: sottylyǵy, otbasylyq jaǵdaıy jáne t.b. anyqtamalar) shet memlekettiń jergilikti organdaryna bere alasyz. «Egov.kz» arqyly berilgen anyqtamalardyń aýdarmasyn jáne túpnusqalyq kóshirmesin Qazaqstannyń Mońǵolııadaǵy Elshiliginiń Konsýldyq bóliminde aldyn-ala rastaý qajettigin eskerýdi suraımyz», dep málimdeıdi Kaznews portaly.

Qazaqstanǵa Qytaıdan júk tasymaldaýdyń jańa baǵyty ashyldy - Qytaıdyń «Ortalyq halyq radıosy» (CNR)

2020 jyldyń 17 qarashasynda Qytaıdyń ońtústik-batysyndaǵy Chýńchıń qalasynyń Nanpyń transshekaralyq ortalyǵynan júk kóligi Qazaqstanǵa qaraı tuńǵysh ret jolǵa shyqty dep habarlaıdy Qytaıdyń « Ortalyq halyq radıosy «.





Atalǵan BAQ-tyń keltirgen deregine súıensek, logıstıkalyq ortalyq seısenbide Qazaqstanǵa óziniń alǵashqy transshekaralyq baǵytyn ashty. Búgingi kúnge deıin bul avtomobıldik júk tasymaly boıynsha Chýńchıń-Sıngapýr, Chýńchıń-Mıanma jáne Chýńchıń-Vetnam qatarly baǵyttary iske qosylǵan. Jyl basynan beri, kezekshi avtomobılderden jıyny 2325 ret qatynaǵan. Jalpy júk quny 1,158 mıllıard ıýanǵa(shamamen 176 mıllıon AQSh dollary) jetken.





«Kúltegin» etno-folklorlyq ansambli qazaqtyń kóne aspaptaryn nasıhattap júr - Kaznews

Mońǵolııalyq «Kúltegin» etno-folklorlyq ansambli qazaqtyń kóneden qalǵan aspaptaryn qoldanyp, halyqqa nasıhattap júr. Bul týraly osy aptada mońǵolııalyq Kaznews aqparattyq portaly habarlaǵan bolatyn.

«Kúltegin» etno-folklorlyq ansambli 2017 jyly qurylǵan. Týran Vorld kompanııasynyń dırektory Erbolat Áshikuly toptyń birneshe shyǵarmasyn tyńdap, top múshelerimen seriktese jumys júrgizýge nıet bildiredi. Sóıtip, ansambldi 2018 jyldan beri kompanııa janyna alyp demeýshilik jasap keledi.

Kaznews portaly «Kúltegin» etno- folklorlyq ansambliniń jetekshisi Erkinbek Mamyrhanuly áńgimege tartqan eken.

Atalǵan BAQ-tyń keltirgen deregine súıensek, «Kúltegin» toby oınap júrgen «Er Jánibek», «Kúltegin», «Men qazaqpyn», «Or teke» shyǵarmalaryn Erkinbek Mamyrhanuly ózi jazypty. Toptyń jetekshisi «Kúltegin», «Rýhty el» shyǵarmalarynan keıin aýdıtorııalary ósip, ártúrli is-sharalarǵa shaqyrtý alyp, Baıan-Ólgııge kelgen týrısterge tamasha kórinis bolǵanyn aıtady.

«Kúltegin tobynyń «Derbes» telearnasy túsirgen eki beınebaıany bar. Top quramyndaǵy ónerpazdar – bári besaspap, ıaǵnı mýltıınstrýmentalıster. Bir shyǵarma ishinde top músheleri birneshe aspapta oınaıdy. Topta sherter, dombyra, qyl qobyz, jetigen, dabyl aspaptary, saqpan, darbýka, múıiz syrnaı, tuıaq tas, asa taıaq, shań qobyz, saz syrnaı, sybyzǵy, or teke, shińkildek, sý syldyrǵy qatarly aspaptardy qoldanyp, nasıhattaýda» dep jazady Kaznews.

Iran men Qazaqstannyń ekijaqty yntymaqtastyǵyn damytý qajettigi qýattaldy - «Fars» aqparat agenttigi





Iran Islam Respýblıkasynyń Almatydaǵy bas konsýly men Almaty oblysynyń ákimi eki eldiń qarym-qatynasyn damytý, ásirese oblysaralyq áriptestikti keńeıtý qajettigin qýattady, dep habarlaıdy parstoday.com.

Atalǵan aqparat kóziniń deregine súıensek, Irannyń Almatydaǵy bas konsýly Mohsen Faǵanı beısenbi kúni Almaty oblysynyń ákimi Amandyq Batalovpen kezdesip, Iran oblystarynyń Qazaqstannyń oblystarymen túrli salada áriptestik jasaýǵa daıyn ekenin málimdegen.

Sondaı-aq Faǵanı Irannyń Eýrazııa ekonomıkalyq odaǵymen preferentsııalyq saýda kelisimine qol qoıýyn ekijaqty áriptestikti damytýǵa jasalǵan jaǵdaı dep atady.

«Osy kezdesýde Almaty oblysynyń ákimi Amandyq Batalov Iranmen ónerkásip, aýyl sharýashylyǵy men týrızm salalarynda áriptestik jasaý úshin Almatyda óte jaqsy áleýetter bar ekenin aıtty», dep málimdeıdi ırandyq BAQ.

Mektepte synyp jetekshilileriniń eńbekaqysy ósti - «ÓzA» aqparat agenttigi





Memleket basshysynyń jarlyǵymen 1 qarashadan bastap Ózbekstan mektepterindegi synyp jetekshileri úshin qosymsha tólemder mólsheri kóbeıtildi, dep habarlaıdy « ÓzA « aqparattyq portaly.

Ózbekstandyq BAQ-tyń dereginshe, synyp jetekshiligi úshin beriletin qosymsha tólemder eń tómengi jalaqynyń paıyzdyq mólsherlemesi boıynsha tólenedi. 15 oqýshyǵa deıin - 26,4%, 16-dan 20 oqýshyǵa deıin - 31,6%, 21-den 25 oqýshyǵa deıin - 36,9%, 26-dan 30 oqýshyǵa deıin - 42,1%, 31 jáne odan kóp oqýshy bolǵanda - 52,8%-dy quraıdy.

Synyp jetekshiligi úshin beriletin qosymsha eńbekaqy jalpy bilim berý mekemeleriniń barlyq túrlerine, sonyń ishinde barlyq tıptegi ınternat-mektepterine de qatysty eken.

Túrkistannan eń alǵashqy sheteldik reıs Túrkııa eline ashylady - TRT





Túrkistan halyqaralyq áýejaıynan eń alǵashqy sheteldik reıs Túrkııa eline ashylatyny týraly aqparatty osy aptada Túrkııa Radıo Televızııa portaly da habarlady.

Túrkııalyq BAQ Túrkistan oblysynyń ákimi Ómirzaq Shókeevtiń málimdemesin negizge alǵan.

Aıta ketý kerek, Reısterdiń ashylýy pandemııaǵa baılanysty ekeni belgili. Bul týraly oblys ákimi habarlaǵan bolatyn.

«Pandemııa sál báseńdese birinshi Túrkııanyń Stambýl qalasyna reıs ashylady. Odan keıin Mekkege ashylýy múmkin. Ony endi ýaqyt kórsetedi. Al 1 jeltoqsannan bastap kúndelikti ishki reısterdi bastaımyz. Buǵan da pandemııa áser etýi múmkin. Biraq bastaımyz», degen Ómirzaq Shókeev.


Avtor Beısen Sultan
Basty sózder: BAQ, Qandastar,
Joǵary qaraı