Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanǵa Pfizer vaktsınasynyń qansha dozasy jetkizildi

2021 jyldyń 11 qarasha 2021 01:33

ALMATY. QazAqparat – Qazaqstanǵa Pfizer vaktsınasynyń alǵashqy – 379 myń dozasy jetkizildi. Bul týraly Almaty áýejaıynda preparattardy kútip alǵannan keıin jýrnalısterge «SQ-Farmatsııa» JShS baspasóz hatshysy Áıgerim Smaılova aıtty, dep habarlaıdy QazAqparat tilishsi.

«Biz Almaty halyqaralyq áýejaıynda Pfizer vaktsınasynyń alǵashqy partııasyn qabyldap aldyq. Onda satyp alynǵan 4 mln dozanyń alǵashqy 379 myń dozasy keldi. Negizi satyp alynǵan 4 mln doza elimizdegi 2 mln 115 myń adamǵa eseptelgen», - dedi Áıgerim Smaılova.

Onyń aıtýynsha, elimizde vaktsınalardy qoldaný jáne taratýmen QR DSM Sanıtarııalyq-epıdemıologııalyq baqylaý komıteti aınalysady. Al vaktsınalardy jetkizý kestesi ony óndirýshige, óndiristik qýatyna baılanysty. ıAǵnı, óndirýshiniń qashan, qalaı tıep jiberetini, Qazaqstannyń qalaı qabyldap alatyny jáne biryńǵaı dıstrıbıýtordyń táýlik ishinde barlyq óńirlerge qalaı jetkizýine baılanysty bolady.

«Satyp alynǵan Pfizer vaktsınasymen jasóspirimderdi, júkti áıelderdi, emizýli sábıleri bar áıelderdi egýge bolatyny qarastyrylǵan. Jalpy, Pfizer vaktsınasymen elimizdiń ár óńirindegi uıymdastyrylǵan vaktsınatsııa pýnkterinde egilýge bolady», - dedi «SK-Farmatsııa» baspasóz hatshysy.

Eske salaıyq, buǵan deıin Qazaqstanǵa DDU maquldaǵan koronavırýsqa qarsy Pfizer vaktsınasynyń alǵashqy partııasy jetkizilgenin jazǵan edik.

Joǵary qaraı