Aýa raıy
Astana 13 °S
Almaty 14 °S
valıýta baǵamy
USD 385.16
EUR 425.95
RUB 6.01
CNY 54.51

Qazaqstanǵa jyl basynan 6 myń qandas kóship keldi – vıtse-premer

2019 jyldyń 23 tamyz 2019 16:27

NUR-SULTAN. QazAqparat – Osy jyldyń qańtar-shilde aılarynyń aralyǵynda Qazaqstanǵa 6 myńnan astam qandas kóship kelgen. Bul týraly Úkimettiń baspasóz ortalyǵynda Premer-Mınıstrdiń orynbasary Berdibek Saparbaev málim etti, dep habarlaıdy QazAqparat tilshisi.

«Keıingi kezde áleýmettik jelilerde basqa memleketterde turatyn qandastar týraly máseleler kóbeıip ketti. Shynymen de, Elbasy keshe durys aıtty: qandastaryn týǵan jerine shaqyryp alǵan Qazaqstan dúnıedegi az ǵana memleketterdiń biri. Sizder jaqsy biletindeı, ótken ýaqyttyń ishinde 1 m ıllıonnan astam qandasymyz Qazaqstanǵa kóship keldi. Olardyń barlyǵyna kómek jasalady. Al endi bizge kómek jasalmady degen túsiniksiz. Olardy zerttep qaraý kerek», - dedi Berdibek Saparbaev Úkimettiń baspasóz ortalyǵynda tilshilerdiń suraǵyna jaýap bere otyryp.

Vıtse-premer qandastarǵa birinshiden, turǵyn úı boıynsha kómek kórsetilip, birneshe óńirde tutas aýyldardyń salynǵanyn aıtyp ótti.

«Pavlodar men Shyǵys Qazaqstanda, Shymkent qalasynda aýylda r salyndy. Odan basqa, alty óńirde keletin bizdiń otandastarymyzdy Qazaqstannyń zańyna, ómirine, saltyna beıimdeý úshin Ońaltý ortalyqtary salynǵan bolatyn. Odan keıin árbir syrt memleketten keletin otandastarymyzdyń jol shyǵyndary, kúnkóriske ketetin shyǵyndary, jumysqa ornalastyrý, balalaryn mektepke, balabaqshaǵa ornalastyrý, medıtsınalyq qyzmetpen qamtý – barlyǵy memlekettiń moınynda. Qazirgi esep boıynsha, ótken 25 jyldyń ishinde 150 mlrd teńgedeı qarjy jumsaldy. Ol jumys endi jalǵasyn taýyp jatyr. Osy ótken 7 aıdyń ishinde 6 myńnan astam qandas kóship keldi. Bul jumys jalǵasyn tabady», - dedi Berdibek Saparbaev.




Onyń sózinshe, keıbir qandastarymyz der kezinde qujattaryn tapsyrmaǵandyqtan, Qazaqstan azamattyǵyn ala almaı júr.

«Ol qujattyń merzimi bir-aq jyl. Elbasynyń tapsyrmasyna sáıkes, merzim osy jyldyń aıaǵyna deıin sozyldy. Sony paıdalanyp, azamattyq ala almaı júrgen qandastarymyz azamattyǵyn alýy kerek», - dedi Premer orynbasary .

Joǵary qaraı