Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannan Italııaǵa tikeleı áýe reısteri ashylady

2021 jyldyń 28 qyrkúıek 2021 16:01

NUR-SULTAN. QazAqparat – QR Indýstrııa jáne ınfraqurylymdyq damý mınıstrliginiń azamattyq avıatsııa komıteti tóraǵasynyń orynbasary Saltanat Tompıeva halyqaralyq áýe qatynasyn pandemııaǵa deıingi qalpyna keltirý úshin qandaı sharalar atqarylyp jatqanyn aıtty, dep habarlaıdy QazAqparat tilshisi.

«15 qazannan bastap alǵash ret Almaty-Doha (Katar) áýe reısiniń ashylýy josparlanǵan. Vedomstvoaralyq komıssııada Italııaǵa halyqaralyq tikeleı reıster ashý máselesi qoldaý tapty, Chehııaǵa reıs qaıta bastaldy. Sondaı-aq, Kýveıtke, Saýd Arabııasyna, Shrı-Lankaǵa jańa reıster ashý kózdelip otyr. Túrkııaǵa, Birikken Arab Ámirlikterine, Germanııaǵa, Majarstanǵa, Polshaǵa ushatyn reısterdiń sanyn arttyramyz. Ázerbaıjanǵa reısterdi qaıta bastaımyz», - dedi Saltanat Tompıeva «QazAqparat» HAA tilshisine bergen suhbatynda.

Spıker 9 qazannan bastap Maldıvke kúndelikti reıster qaıta bastalatynyn eske saldy.

«Kúzgi-qysqy navıgatsııadan bastap naryq kezeń-kezeńimen qalpyna kelýi kerek dep oılaımyz. Reısterdi ashý boıynsha úlken josparymyz», - dedi Saltanat Tompıeva

Komıtet ókiliniń aıtýynsha, pandemııaǵa baılanysty eldegi halyqaralyq áýe tasymaly naryǵy 50% qalpyna keltirilgen.


Joǵary qaraı