Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstannan Túrkııaǵa jasalatyn eksport ımporttan joǵary

2022 jyldyń 20 mamyr 2022 10:58

NUR-SULTAN. QazAqparat – Qazaqstan men Túrkııa arasyndaǵy taýar aınalymy 2022 jyldyń birinshi toqsanynda 1,5 mlrd AQSh dollaryna jetti, dep habarlaıdy QR QM Memlekettik kirister komıtetiniń baspasóz qyzmeti.

Qazaqstan men Túrkııa arasyndaǵy taýar aınalymy 2022 jyldyń birinshi toqsanynda 1,5 mlrd AQSh dollaryna jetti. Barlyq shet eldermen jalpy taýar aınalymyna kelsek, onda Túrkııa 6,5% úles-salmaǵymen úshinshi orynda, onyń ishinde ımport - 4,2%, eksport – 7,2%.

Eksport

Aǵymdaǵy jyldyń birinshi toqsanynda Túrkııaǵa quny1 251,9 mln AQSh dollaryn quraıtyn taýarlar eksporttalǵan, ımport 236,3 mln. dollardy quraǵan. Sáıkesinshe, syrtqy taýar aınalymynyń oń saldosy
1 mlrd. AQSh dollary deńgeıinde boldy.

Túrik tarapynan negizgi suranysqa ıe bolǵany «otyn-energııa taýarlary», olardyń quny 885 mln.dollar bolyp, aǵymdaǵy jyldyń úsh aıyndaǵy jalpy eksporttyń 70,7% -yn qurady.

Ekinshi orynda «metaldar men olardan jasalǵan buıymdar», quny – 324 mln. dollar nemese eksport qurylymynda - 25,9%.

Sondaı-aq, aǵymdaǵy jyly Túrkııaǵa janýar jáne ósimdik tekti ónimder, toqyma buıymdary, mashına jabdyqtary, hımııa onerkásibiniń ónimderi jáne t.b. eksporttalǵan.

Import

Qazaqstanǵa Túrkııadan 62 mln. AQSh dollary somasyna mashına jabdyqtary, qurylǵylar men apparattar ımporttalǵan, bul ımporttyń 26,2%-yn quraıdy.

Ekinshi orynda quny 47,5 mln. AQSh dollaryn quraıtyn «toqyma jáne toqyma buıymdary», olar aǵymdaǵy jyldyń úsh aıyndaǵy osy elden keletin jalpy ımporttyń 20%-yn qurady.

Odan bólek, hımııa onerkásibiniń ónimderi, janýar jáne ósimdik tekti ónimder, metaldar men olardan jasalǵan buıymdar, aıaq kıim, bas kıim men galantereıa taýarlary, qurylys materıaldary jáne t.b. taýarlar ımporttalǵan.

Ótken jyldyń sáıkes kezeńinde taýar aınalymy 803,1 mln. AQSh dollary deńgeıinde bolǵan. Ol kezde eksport - 545,2 mln. dollardy, ımport - 257,8 mln. dollardy quraǵan.


Basty sózder: Túrkııa, Eksport, Import,
Joǵary qaraı