Aýa raıy
Astana 0 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń 8 oblysynda aýa raıyna baılanysty eskertý jarııalandy

2020 jyldyń 18 qyrkúıek 2020 07:24

NUR-SULTAN. QazAqparat – «Qazgıdromet» RKM-si Qazaqstannyń 8 oblysynda aýa raıyna baılanysty eskertý jarııalady, dep habarlaıdy QazAqparat.

Búgin, ıaǵnı 18 qyrkúıekte Aqmola oblysynyń keı jerlerine burshaq jaýýy múmkin. Túnde jáne tańerteń keı jerlerge tuman túsýi yqtımal. Soltústik-batystan jel soǵyp, jyldamdyǵy keı jerlerde sekýndyna 15-20 metrge, túnde jáne tańerteń ekpini 23 metrge jetedi degen boljam bar.

Nur-Sultan qalasynda túnde jáne tańerteń soltústik-batystan jel soǵyp, ekpini sekýndyna 15-20 metrge deıin jetedi. Aýa raıyna baılanysty eskertýdiń dáldigi 85-90 %.

Mańǵystaý oblysynyń keı jerlerinde kúndiz shańdy daýyl turyp, shyǵystan, ońtústik-shyǵystan, soqqan jeldiń jyldamdyǵy sekýndyna keı jerlerde 15-20 metrge jetedi.

Aqtaýda kúndiz shyǵystan, ońtústik-shyǵystan jel soǵyp, ekpini 18 m/s bolady. Aýa raıy boljamynyń yqtımaldylyǵy 90-95%.

Al Qyzylorda oblysynda órt qaýpi saqtalady. Aýa raıy boljamynyń dáldigi 90-100%.

Shyǵys Qazaqstan oblysynyń keı jerlerinde naızaǵaı oınap, ońtústik-batys, batystan soqqan jeldiń jyldamdyǵy sekýndyna 15-20 metr, ekpini 23 metrge jetedi.

Óskemende ján semeıde sekýndyna 15-20 metr jyldamdyqpen jel soǵady.

Túrkistan oblysynyń keı jerlerinde 18 qyrkúıekte túnde shańdy daýyl turyp, batystan soǵatyn jeldiń kúshi 15-20 m/s bolady. Aýa raıy boljamynyń yqtımaldylyǵy 90-95 %.

Qostanaı oblysynyń keı jerlerine tuman túsedi. Soltústik-batystan, batystan jel soǵyp, kúshi keı jerlerde sekýndyna 15-20 metrge jetedi. Aýa raıy boljamynyń yqtımaldylyǵy 90-95%.

Qaraǵandy oblysynyń keı jerlerinde tuman túsedi. Ońtústik-batystan, batystan jel soǵyp, keı jerlerde jyldamdyǵy sekýndyna 15-20 metr, túnde ekpini 23 metr bolady.

Qaraǵandyda batystan jel soǵyp, ekpini 18 m/s bolady. Aýa raıy boljamynyń yqtımaldylyǵy 70-75%.

18-19 qyrkúıekte Soltústik Qazaqstan oblysynyń keı jerlerinde túnde jáne tańerteń tuman túsedi. Soltústik-batystan soǵatyn jel ońtústik-batysqa qaraı oıysady, keı jerlerde kúshi sekýndyna 15-20 metrge jetedi.

Petropavlda 18-19 qyrkúıekte soltústik-batystan jel soǵyp, ońtústik-batysqa qaraı oıysady, ekpini 15-20 m/s bolady. Aýa raıy boljamynyń yqtımaldylyǵy 90-95%.


Basty sózder: Aýa raıy, Qazgıdromet, Qoǵam,
Joǵary qaraı