Aýa raıy
Astana 5 °S
Almaty 7 °S
valıýta baǵamy
USD 388.96
EUR 432.21
RUB 6.09
CNY 54.99

Qazaqstannyń arzan benzınin syrtqa zańsyz shyǵaratyndarmen kúres qalaı júredi

2019 jyldyń 17 qyrkúıek 2019 14:19

NUR-SULTAN. QazAqparat - QR Ulttyq qaýipsizdik komıteti tóraǵasynyń orynbasary - Shekara qyzmetiniń dırektory Darhan Dilmanov Qazaqstan men Reseı shekarasynda kólik keptelisi neden týyndaıtynyn túsindirdi, dep habarlaıdy QazAqparat tilshisi.

«Búginde biz bir problemaǵa tap bolyp otyrmyz. Qazaqstanda janar-jaǵarmaı baǵasy Reseıge qaraǵanda aıtarlyqtaı arzan. Osy oraıda elimizden kórshi memleketke jaǵarmaıdy alyp shyǵýǵa nıettiler az emes. Sondyqtan otyndy Qazaqstannan zańsyz tasymaldaıtyndarǵa tosqaýyl qoıýǵa májbúr bolamyz. Osy tektes shekteý sharalary bolmasa, onda elimizde aldaǵy ýaqytta janarmaı baǵasy qymbattaýy yqtımal», - dedi D. Dilmanov Parlament Senaty Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda.

Onyń atap ótýinshe, osyndaı jaǵdaı metall men tsellıýlozaǵa da qatysty bolyp otyr. Bul ónimder de Reseıdegi zaýyttarǵa tasymaldanady.

«Mundaı qyzmettermen aınalasý bizdiń ókilettikke kirmeıdi, alaıda alǵa qoıylǵan maqsattardy oryndaýǵa mindettimiz», - dedi D. Dilmanov.

Budan buryn habarlanǵandaı, Senatta «2006 jylǵy 3 qazandaǵy QR Úkimeti men RF Úkimeti arasyndaǵy Qazaqstannyń jáne Reseıdiń shekara mańyndaǵy aýmaqtary turǵyndarynyń Qazaqstan-Reseı memlekettik shekarasyn kesip ótý tártibi týraly kelisimge ózgerister engizý týraly hattamany ratıfıkatsııalaý týraly» zań jobasyn talqylandy.

Shekara qyzmetiniń dırektory Darhan Dilmanov Qazaqstan men Reseı shekarasynda kólik keptelisi neden týyndaıtynyn túsindirdi.


Joǵary qaraı