Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstannyń barlyq óńirinde qoqys polıgony jetispeıdi

2022 jyldyń 18 mamyr 2022 23:39

NUR-SULTAN. QazAqparat – Qaldyqtardy basqarý salasyndaǵy problemalar jyldan jylǵa sheshilmeı keledi. Bul týraly QR Bas prokýrory Berik Asylov aıtty, dep habarlaıdy QazAqparat tilshisi.

«Mysaly, Aqmola oblysynda 617 eldi meken bar. Alaıda, barlyq qajetti ruqsat qujattary bar polıgondar tek 24 eldi mekende ǵana bar, 249 eldimekende polıgondar sanıtarlyq jáne ekologııalyq talaptarǵa sáıkes kelmeıdi», - dep jazdy Berik Asylov depýtattyq saýalǵa bergen jaýabynda.

Onyń aıtýynsha, dál osyndaı jaǵdaı barlyq óńirde baıqalyp otyr.

Mysaly, Aqtóbe oblysynda - 157 polıgon, Qostanaı oblysynda – 29, Soltústik Qazaqstan oblysynda – 333 polıgon talaptarǵa sáıkes kelmeıdi.

«Qaldyqtardy suryptaý jáne qaıta óńdeý barlyq óńirler úshin ózekti másele bolyp qalýda. Bas prokýratýranyń 2021 jyly júrgizilgen josparly tekserýi tıisti mınıstrliktiń jınalǵan, tasylǵan, kádege jaratylǵan jáne qaıta óńdelgen qaldyqtardyń kólemi men olardy saqtaýǵa arnalǵan polıgondar men alańdar, jumys isteıtin sýbektiler týraly derekterdi tolyq bilmeıtinin kórsetti. Osyǵan baılanysty Úkimetke anyqtalǵan buzýshylyqtar men kemshilikterdi joıý boıynsha shara qabyldaý usynymy engizildi», - dep habarlady Bas prokýror.

Sonymen birge, ekologııa departamentteriniń basshylary men ekologııa mınıstrliginiń laýazymdy tulǵalary tártiptik jaýapkershilikke tartylǵan.

Qaldyqtardy, qaldyqtardy saqtaýǵa arnalǵan polıgondar men alańdardy jınaý, tasymaldaý, qaıta paıdalanýǵa daıyndaý, suryptaý, óńdeý, qaıta óńdeý, zalalsyzdandyrý jáne kádege jaratý júıesine qatysy bar tabıǵat paıdalanýshylarǵa tekserý júrgiziledi.

«Osy tekserýdiń nátıjesi boıynsha barlyq oblys prokýrorlary ákimdikter men ekologııa departamentterine qadaǵalaý aktilerin engizdi, sondaı-aq QR Premer-Mınıstriniń birinshi orynbasaryna apatty qoqystar, polıgondardyń bolmaýy, jabyq polıgondardy paıdalaný jáne kommýnaldyq qaldyqtardy basqarý salasyndaǵy basqa da máseleler týraly hat pen olardy sheshý boıynsha usynystardy joldady», - dedi Berik Asylov.


Joǵary qaraı