Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstannyń barlyq óńirinde tótenshe jaǵdaıdyń kúshi joıylady

2022 jyldyń 18 qańtar 2022 19:57

NUR-SULTAN. QazAqparat - 19 qańtarda jarym túnnen keıin, ıaǵnı saǵat 00:00-den bastap, Nur-Sultan jáne Almaty qalalarynda, sonymen qatar Almaty, Atyraý, Jambyl, Qyzylorda, Mańǵystaý oblystarynda tótenshe jaǵdaıdyń kúshi joıylady. Bul týraly QR Prezıdentiniń baspasóz hatshysy Berik Ýálı jelidegi paraqshasynda jazdy.

«Buǵan deıin Prezıdenttiń Jarlyqtaryna sáıkes, ózge óńirlerde tótenshe jaǵdaı merziminen buryn toqtatylǵan bolatyn.

Osylaısha, búkil el aýmaǵy qalypty ómirge oralady. Tótenshe jaǵdaı kezindegi qoǵamdyq tártipti qorǵaýdy kúsheıtý jáne erkin júrip-turýǵa, eldi mekenderge kirýge jáne shyǵýǵa, t.b. qosymsha engizilgen shekteý sharalary da joıylady.

Halyqtyń birligi men tutastyǵynyń, quqyq qorǵaý organdary men áskerılerdiń jankeshti is-qımyldarynyń arqasynda Qazaqstannyń barlyq aýmaǵynda tártip pen tynyshtyq qalpyna keltirildi. Elimizde árqashan beıbitshilik pen ıgilik bolsyn!», - dep jazdy ol.

Eske salaıyq, 5 qańtarda Prezıdent Qasym-Jomart Toqaevtyń jarlyǵymen eldegi jaǵdaıǵa baılanysty Tótenshe jaǵdaı jarııalanyp, túngi saǵat 23: 00-den tańǵy 7: 00-ge deıin komendanttyq saǵat engizilgen bolatyn.


Joǵary qaraı