Aýa raıy
Astana 29 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstannyń Bas múftıi Prezıdentke hat joldady

2020 jyldyń 5 shilde 2020 14:59

NUR-SULTAN. QazAqparat - Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Elorda kúnine oraı Memleket basshysy Qasym-Jomart Toqaevqa quttyqtaý hat joldady, dep habarlaıdy QazAqparat tilshisi.

«Qadirli Qasym-Jomart Kemeluly! Syndarly sátte Qazaq eliniń tarıhı kóshin bastaǵan Sizdiń jáne halqymyzdyń álemdik qaýymdastyq aldyndaǵy abyroıy men mártbesiniń odan saıyn arta túsýine izgi nıetim men tileýlestigimdi bildiremin. Táýelsizdik jyldarynda qalyptasqan dinaralyq kelisim men ultaralyq tatýlyqtyń qazaqstandyq modeliniń mańyzy kún sanap artýda. Elimizdegi dástúrli dinder men ult ókilderiniń kelisim aıasynda ómir súrýi sonyń aıǵaǵy dep atar edik. Mártebeli Prezıdent! Sizdi 6 shilde - Nur-Sultan qalasy kúni merekesimen shyn júrekten quttyqtaımyn! Denińizge saýlyq, otbasyńyzǵa amandyq, el ıgiligi jolyndaǵy bastamalaryńyz ben tarıhı sheshimderińizge bereke tileımin! Alla taǵala halqymyzdyń jarqyn bolashaǵy jolyndaǵy jumystaryńyzǵa jar bolǵaı! Denińiz qýatty, ár kúnińiz shýaqty bolǵaı! Ámın!», - delingen Bas múftıdiń quttyqtaý hatynda.


Joǵary qaraı