Aýa raıy
Astana -15 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń birinshi raketkasy Elena Rybakına Aýstrııadaǵy Lınts týrnırine qatysady

2020 jyldyń 23 qazan 2020 19:33

NUR-SULTAN. QazAqparat – Qazaqstannyń birinshi, álemniń 19-raketkasy Elena Rybakına Aýstrııadaǵy Lınts WTA týrnırine qatysady, dep habarlaıdy QazAqparat tilshisi.

Jarystyń Tvıtterdegi paraqshasynda oǵan qatysýshylardyń tizimi jarııalandy.

Olardyń ishinde E.Rybakınamen qatar Belarýs ókili Arına Sobolenko, chehııalyq Marketa Vondroýshova, belgııalyq Elıse Mertens, estonııalyq Anett Kontaveıt, amerıkalyq Djennıfer Breıdı, ýkraınalyq Daıana ıAstremskaıa, reseılik Ekaterına Aleksandrova jáne basqa tennısshiler bar.

Bıyl atalmysh doda 11-18 qazan aralyǵynda ótýi tıis edi. Áıtse de koronavırýs indetine baılanysty 7-15 qarashaǵa qaldyryldy.

Ótken jyly fınalda latvııalyq Elena Ostapenkony 6:3, 1:6, 6:2 esebimen jeńgen amerıkalyq Korı Gaýff chempıon atanǵan bolatyn.

Eske sala keteıik, budan buryn Elena Rybakınanyń Chehııadaǵy týrnırde utylyp qalǵanyn, Dmıtrıı Popkonyń Ystanbul dodasynyń shırek fınalyna shyqqanyn jazǵan bolatynbyz.

Búgin D.Popko Belarýs tennısshisi Ilıa Ivashkodan 4:6, 0:6 esebimen utylyp, jartylaı fınalǵa shyǵa almaı qaldy.

Sol sekildi qazaqstandyqtar Gózal Aınıtdınova men Jibek Qulambaeva juptyq synda Mysyrdyń Sharm ál-Sheıh qalasynda ITF týrnırinde birshama sátti óner kórsetti. Tipti jarystyń 1-raketkalary, reseılikter Anastasııa Gasanova men Anna Morgınany 6:0, 6:0 esebimen oısyrata utyp, jartylaı fınalǵa shyqty. Alaıda búgin reseılikter Veronıka Pepelıaeva men Anastasııa Tıhonovamen tartysty matchta 6:3, 3:6, 8:10 esebimen jol berip, fınaldyq básekeden tys qaldy.




Avtor Eljan Eraly
Basty sózder: Sport,
Joǵary qaraı