Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstannyń BUU-ǵa múshe bolǵanyna 30 jyl toldy

2022 jyldyń 23 qańtar 2022 11:45

NUR-SULTAN. QazAqparat - Osydan dál 30 jyl buryn, 1992 jylǵy 23 qańtarda BUU Qaýipsizdik Keńesi óziniń 3034-shi otyrysynda «Qazaqstan Respýblıkasynyń Birikken Ulttar Uıymyna múshelikke qabyldaý týraly ótinishin qarap», Bas Assambleıaǵa «Qazaqstan Respýblıkasyn BUU-nyń músheligine qabyldaýdy» usynatyn 732 (1992) qararyn biraýyzdan qabyldady.

Bul jaıynda syrtqy saıası vedomstvonyń Telegram paraqshasynan belgili boldy.

Keńes tóraǵasy Qaýipsizdik Keńesi músheleriniń atynan jasaǵan málimdemesinde bul sheshimdi «shynaıy tarıhı oqıǵa» dep atady.

«Qazaqstannyń Birikken Ulttar Uıymy jumysynyń barlyq salalaryna mańyzdy úles qosa alatynyna kúmánim joq», - dep málimdedi ol.

Ol sondaı-aq:

«Keńes músheleri Qazaqstan beıbitshil, BUU Jarǵysynda qamtylǵan mindettemelerdi oryndaýǵa qabiletti jáne daıyn memleket bola otyryp, Jarǵynyń qaǵıdattarynda qamtylǵan maqsattar men mindetterdi iske asyrýǵa belsendi jáne syndarly yqpal etetinine senimdi», - dep atap ótti.


Joǵary qaraı