Aýa raıy
Astana -19 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń denýklearızatsııadaǵy tájirıbesi Koreı túbeginde beıbitshilik ornatýǵa kómektesedi

2020 jyldyń 25 qarasha 2020 23:07

NUR-SULTAN. QazAqparat – Qazaqstandaǵy Koreıa Respýblıkasynyń elshiligi «Koreı túbegindegi qaýipsizdik jaǵdaıy jáne Qazaqstannyń denýklearızatsııa salasyndaǵy tájirıbesi» taqyrybynda onlaın vebınar ótkizdi, dep habarlaıdy QazAqparat elshiliktiń baspasóz qyzmetine silteme jasap.

Koreıa Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Ký Hong-sok alǵysózinde ıadrolyq qarýsyzdaný jónindegi sońǵy kelissózder men Soltústik jáne Ońtústik Koreıa qarym-qatynasynyń belgili bir qıyndyqtarǵa tap bolǵanyna qaramastan, Koreıa Respýblıkasy Úkimetiniń Soltústik Koreıaǵa úzdiksiz qyzyǵýshylyq tanytý arqyly ıadrolyq qarýsyzdanýǵa jáne Koreı túbegindegi turaqty beıbitshilikke qol jetkizýge bolatynyna senim bildiretinin jáne Koreı túbegindegi beıbitshilik saıasatyn júzege asyrýǵa tyrysatynyn jetkizdi.

QR Syrtqy ister mınıstriniń orynbasary Erjan Ashyqbaev kelesi jyldyń tamyz aıynda QR Tuńǵysh Prezıdenti – Elbasy Nursultan Nazarbaevtyń Semeı ıadrolyq synaq polıgonyn jabý týraly Jarlyǵynyń qabyldanǵanyna 30 jyl tolatynyn atap ótti. Osylaısha, Qazaqstannyń ıadrolyq arsenaldan óz erkimen bas tartý úlgisi Koreı túbegin denýklearızatsııalaý strategııasyna eleýli úles qosa alady.

Sonymen birge Álemdik ekonomıka jáne saıasat ınstıtýtynyń (ÁESI) dırektory Erjan Saltybaev beınebaılanys arqyly sóz sóıledi jáne Koreı túbegindegi jaǵdaıdyń halyqaralyq qaýipsizdiktiń mańyzdy máseleleriniń biri ekenin, Qazaqstannyń denýklearızatsııadaǵy tájirıbesi Koreı túbegindegi beıbitshilikke qol jetkizýde paıdaly bolýy múmkin ekenin jetkizdi.

Atalǵan onlaın vebınarǵa sheteldik dıplomatııalyq ókildikterden jáne ǵylymı jáne akademııalyq toptardan 70 adam qatysty.


Joǵary qaraı