Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstannyń qaýipsizdigin qamtamasyz etýde elordany Saryarqanyń ortalyǵyna kóshirý úlken ról oınady - Prezıdent

2022 jyldyń 28 qańtar 2022 15:36

NUR-SULTAN. QazAqparat – Qazaqstannyń qaýipsizdigin qamtamasyz etýde elordany Saryarqanyń ortalyǵyna kóshirý úlken ról oınady. Bul týraly «Nur Otan» partııasynyń kezekten tys HHІ sezinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«90-shy jyldardyń basynda tanymal saıasatkerler men saıasattanýshylar demografııalyq erekshelikter men Qazaqstan shekarasynyń rettelmegendigine baılanysty elimizdiń tez arada kúıreıtindigin boljaǵan edi»,- dedi QR Prezıdenti.

Memleket basshysy 90-shy jyldardyń ortasynda elimiz shekarasyn zańdy túrde rásimdeý jumysyn bastap, ony delımıtatsııalaý jáne demarkatsııalaý jumysyn aıaqtaǵandyǵyn atap ótti.

«Bul jetistik memleketimizdiń qaýipsiz qyzmet etýi úshin strategııalyq mańyzǵa ıe boldy. Qazaqstannyń qaýipsizdigin qamtamasyz etýde, onyń geosaıası pozıtsııasyn nyǵaıtýda elordany Saryarqanyń ortalyǵyna kóshirý úlken ról oınady. Bul sheshimdi shetelde de, elimizdiń ishinde de strategııalyq kóregendilik dep moıyndaıdy», - dedi Qasym-Jomart Toqaev.

Aıta keteıik, partııa sezindegi Memleket basshysynyń sóılegen sózi QR Prezıdenti baspasóz qyzmetiniń Twitter -degi paraqshasynda jarııalanýda.




Joǵary qaraı