Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń kez kelgen qalasynan AQSh-qa áýe reısterin oryndaýǵa bolady – zań jobasy

2021 jyldyń 17 qarasha 2021 10:29

NUR-SULTAN. QazAqparat – Parlament Májilisiniń jalpy otyrysynda «QR Úkimeti men AQSh Úkimeti arasyndaǵy Áýe qatynasy týraly kelisimdi ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

Zań jobasy 2019 jylǵy 30 jeltoqsanda Nur-Sultanda jasalǵan QR Úkimeti men AQSh Úkimeti arasyndaǵy Áýe qatynasy týraly kelisimdi ratıfıkatsııalaýǵa baǵyttalǵan.

«Joba «Qazaqstan Respýblıkasynyń halyqaralyq sharttary týraly» Qazaqstan Respýblıkasy Zańynyń besinshi babynyń ekinshi tarmaǵyna sáıkes ázirlendi. Kelisimniń negizgi maqsaty - Qazaqstan Respýblıkasy men Amerıka Qurama Shtattary arasynda tikeleı áýe qatynasyn ashý úshin quqyqtyq baza qurý. Halyqaralyq azamattyq avıatsııa uıymynyń (IKAO) áýe qatynasyn yryqtandyrý jónindegi usynystaryna jáne Amerıka tarapynyń usynystaryna sáıkes, Kelisim aıasynda taraptar áýe kompanııalary, pýnktter men reıster sany boıynsha, onyń ishinde jolaýshylar tasymaldary úshin «áýe erkindiginiń» besinshi deńgeıimen shekteýsiz usha alady», - dedi QR Indýstrııa jáne ınfraqurylymdyq damý mınıstri Beıbit Atamqulov.

Onyń aıtýynsha, bul - el tarıhyndaǵy alǵashqy «ashyq aspan» rejımindegi kelisim. ıAǵnı, kez kelgen qazaqstandyq áýe kompanııa úshinshi elderge jolaýshylardy jetkizý jáne ákelý quqyǵymen Qazaqstannyń kez kelgen qalasynan Amerıka Qurama Shtattarynyń kez kelgen qalasyna reıster boıynsha sheksiz sanmen jolaýshylar tasymalyn, sondaı-aq AQSh pýnktteri men Amerıka Qurama Shtattarynan tys kez kelgen pýnktter arasynda júk tasymalyn oryndaı alady.

«Kelisimdi ratıfıkatsııalaý týraly zańdy qabyldaý Qazaqstan Respýblıkasy tarapynan qosymsha bıýdjettik shyǵyndar men mindettemelerge alyp kelmeıdi jáne elimizdiń kóliktik qoljetimdiligin arttyrýǵa baǵyttalǵan», - dedi mınıstr.


Joǵary qaraı