Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń kómirin qaı elder tutynady

2021 jyldyń 28 qyrkúıek 2021 18:10

NUR-SULTAN. QazAqparat – 2021 jyldyń 8 aıynda eksporttalǵan 19 mln tonna kómirdiń 13 mln tonnasy Reseı asqan, dep habarlaıdy QazAqparat tilshisi.

QR Indýstrııa jáne ınfraqurylymdyq damý mınıstrliginiń Indýstrııalyq damý komıtetiniń qara metallýrgııa basqarmasynyń basshysy Janat Igisinov ortalyq kommýnıkatsııalar qyzmetinde ótken brıfıngide osyndaı derek keltirdi.

«Bizdiń kómir negizi birneshe elge shyǵarylady. Segiz aıdyń derekterine qarasaq, Reseıge 13 mln tonnadaı kómir jóneltildi. Onda jiberilgen kómir negizinen energetıka salasynda qoldanylady. Ony «Bogatyr», «Vostochnyı razrez», «Arselor Mıttal», «Qazaqmys», «Qarajyra» jáne t.b. kompanııalar jetkizdi. Belarýs eline jóneltilgen kómirdiń mólsheri – 697 myń tonna. Ýkraınaǵa jiberilgen kómirdiń mólsheri – 574 myń tonna. Qyrǵyzstanǵa asyrylǵan kómirdiń mólsheri – 661 myń tonna. Ózbekstanǵa jóneltilgen kómirdiń mólsheri – 568 myń tonna, - dedi mınıstrlik ókili.

Onyń aıtýyna qaraǵanda, Qazaqstan kómiri Qytaıǵa da jóneltilgen. Onyń mólsheri – 84 myń tonna.

«Eýropa memleketterine de kómir jetkiziledi. Atap aıtsaq, Polsha, Latvııa, Skandınavııa elderine shashamen 3,8 mln tonna kómir eksporttaldy. Jalpy eksporttyń kólemi 8 aıdyń ishinde 19 mln 411 tonna boldy. Eksporttalatyn kómirdiń sapasy qajettiligine qaraı ártúrli. Mysaly, Reseıge energetıkaǵa qajet kómir jóneltildi. Belarýs, Qyrǵyzstan, Ózbekstan elderine jiberilgen kómir energetıka salasymen qosa tsement zaýyttarynda qoldanylady. Al Eýropa memleketterinde ol kómirden basqa da buıymdar shyǵarylady», - dedi Janat Igisinov.


Joǵary qaraı