Aýa raıy
Astana 31 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstannyń ońtústiginde egin orý jumystary bastaldy

2020 jyldyń 9 shilde 2020 18:40

NUR-SULTAN. QazAqparat – QR Aýyl sharýashylyǵy birinshi vıtse-mınıstri Aıdarbek Saparov bıylǵy egistik kólemi týraly esep berdi, dep habarlaıdy QazAqparat tilshisi.

«Bıyl aýyl sharýashylyǵy daqyldarynyń alqaby 22,5 mln gektardy qurady, bul – ótken jylmen salystyrǵanda 238 myń gektarǵa artyq. Onyń ishinde ártaraptandyrý maqsatynda bıyl jem-shóp daqyldar men maıly daqyldar alqaptary ulǵaıtyldy. Koronavırýs pandemııasy saldarynan shekteý sharalaryna qaramastan, sharýalar jeńildetilgen janar-jaǵarmaı, sapaly tuqym, tyńaıtqyshtar jáne tehnıkamen der kezinde qamtyldy», - dedi spıker Ortalyq kommýnıkatsııalar qyzmetinde ótken brıfıngide.

Búgingi kúni eginniń jaǵdaıy oblystardyń derekterine sáıkes dándi jáne dándi-burshaqty daqyldar egistiginiń jaı-kúıi 48% alqapta jaqsy, 49% qanaǵatty jáne 3% nashar dep baǵalanýda. Bul rette eginniń jaǵdaıy aýa raıyna tikeleı baılanysty.

«Elimizdiń ońtústik óńirleri jańa egin jınaýǵa kiristi. Máselen, Jambyl jáne Túrkistan oblystarynda kúzdik dándi daqyldardy jınaý jumystary júrgizilýde, 93 myń ga bıdaı jáne 26 myń ga arpa oryldy. Ortasha ónimdiligi - 17,0 ts/ga. Sondaı-aq kartop, kókónis jáne baqsha daqyldaryn jınalyp jatyr. Al negizgi astyq egetin oblystarda jazdyq bıdaı egisiniń tútikke shyǵý fazasyna kóshýi baıqalady. Atalǵan oblystarda astyq jınaý tamyzdyń ortasynan bastalady», - dedi Aıdarbek Saparov.

Joǵary qaraı