Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń órt sóndirý qyzmeti qandaı tehnıkamen jaraqtandyrylǵan

2021 jyldyń 29 shilde 2021 14:31

NUR-SULTAN. QazAqparat – Tótenshe jaǵdaılar mınıstrliginiń balansynda órt kezinde shuǵyl qımyldaıtyn 8 sý búrikkish tikushaq, 21 ushqyshsyz ushatyn apparat bar.

Bul týarly Órtke qarsy qyzmet komıteti tóraǵasynyń orynbasary Marat Hasenov aıtty, habarlaıdy QazAqparat tilshisi.

«Mınıstrliktiń balansynda órt kezinde áýeden sý shashatyn qurylǵy ornatylǵan 8 tikushaq jáne jaǵdaıdy jedel barlaýǵa arnalǵan 21 ushqyshsyz ushatyn apparat bar. Іri órtter týyndaǵan jaǵdaıda mınıstrlik óńirlerde jol talǵamaıtyn ári syıymdylyǵy úlken avtotsısternamen jaraqtalǵan órtke qarsy jasaqtar qura alady», - dedi Marat Hasenov ortalyq kommýnıkatsııalar qyzmetinde ótken brıfıngide.

Onyń málimetinshe, tabıǵı órt týyndaǵan jaǵdaıda mınıstrlik birneshe mınıstrliktiń jeke quramynan kómek kúshin tartýǵa quqyly.

«Vedomstvolardyń kúshin biriktirý arqyly bir jolda 43 myń adamdy jumyldyra alamyz. Tótenshe jaǵdaılar mınıstrliginen – 1 798 adam, Іshki ister mınıstrliginen – 3 567 adam, Ekologııa, geologııa jáne tabıǵaı resrýstar mınıstrliginen – 3 663, Qorǵanys mınstrliginen – 301, Indýstrııa jáne ınfraqurylymdyq damý mınıstrliginen – 1 550, ákimdikterden – 32 844 adam shyǵarýǵa bolady. Al tehnıkanyń jıyntyǵy 9 myńǵa jetedi. Onyń ishinde 46 órt sóndirý poıyzy bar», - dedi komıtet tóraǵasynyń orynbasary.


Joǵary qaraı