Aýa raıy
Astana 9 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń Reseıdegi elshisi «QazAqparat» tilshisin marapattady

2020 jyldyń 27 maýsym 2020 02:18

MÁSKEÝ. QazAqparat – Qazaqstan Respýblıkasynyń Reseı Federatsııasyndaǵy elshisi Ermek Kósherbaev Máskeýde jumys istep jatqan Qazaqstannyń memlekettik buqaralyq aqparat quraldarynyń menshikti tilshilerin kásibı merekemen quttyqtady, dep habarlaıdy QazAqparat.

«Dıpmıssııa basshysy «QazAqparat» agenttiginiń tilshisi Narymbek Ismaǵulovty, «Habar» telearnasynyń tilshisi Dana Nurjandy jáne «Qazaqstan» telearnasynyń tilshisi Indıra Asanovany Buqaralyq aqparat quraldary qyzmetkerleri kúnimen quttyqtap, Alǵys hattar men estelik syılyqtar tabys etti», - delingen elshiliktiń resmı saıtynda.

Onymen qosa, E.Kósherbaev Qazaqstan-Reseı qarym-qatynastary týraly aqparattardyń joǵary deńgeıi úshin alǵys bildirip, shyǵarmashylyq tabys tiledi.

Aıta keteıik, 26 maýsym kúni «QazAqparattyń» taǵy bir tilshisi marapattalǵan bolatyn. Aıan Óribaı QR Mádenıet jáne sport mınıstrligi uıymdastyrǵan «Memlekettik til jáne BAQ-2020» respýblıkalyq baıqaýynda ekinshi oryn aldy.

Eske salaıyq, Qazaqstanda Buqaralyq aqparat quraldary qyzmetkerleri kúni 2019 jyldan beri 28 maýsym kúni merekelenip keledi.


Joǵary qaraı