Aýa raıy
Astana 24 °S
Almaty 26 °S
valıýta baǵamy
USD 405.69
EUR 455.51
RUB 5.72
CNY 57.42

Qazaqstannyń shekara boıynda eshqandaı jaýy joq – Nursultan Nazarbaev

2019 jyldyń 12 qarasha 2019 13:47

NUR-SULTAN. QazAqparat – QR Tuńǵysh Prezıdenti – Elbasy Nursultan Nazarbaev Qazaqstannyń shet eldermen dostyq qarym-qatynasy jóninde baıandady, dep habarlaıdy QazAqparat tilshisi.

«Búginde Qazaqstannyń óz shekarasynda eshqandaı jaýy joq. Bizde tutas dostyq qarym-qatynas ornaǵan. Onyń úlgisi – Qazaqstan men Reseıdiń qarym-qatynasy. Qazaqstan men Qytaı qatynasy da senimge negizdelgen. Ortalyq Azııa boıynsha ońtústik kórshilermen de aramyz tatý. Sondyqtan, dál osy jerge álemdik din kóshbasshylary jınala alady. AÓSShK osynda quryldy. Sırııa shıelenisi boıynsha kelissózdiń 10-raýndy da osynda ótedi. Sebebi olar Qazaqstanǵa senedi. Osynyń arqasynda meniń aralasýymmen Reseı men Túrkııa arasyndaǵy ótkir shıelenis sheshildi», - dedi Tuńǵysh Prezıdent.

Sonymen birge, Elbasy Qazaqstan Eýropalyq odaqpen, AQSh-pen dostyq qarym-qatynasta ekenin jetkizdi. Tipti Soltústik Koreıamen de arada qarama-qaıshylyq joq.

«Mundaı baǵyttaǵy damý Qazaqstannyń qalypty damýyna jáne óz máselelerin sheshýine múmkindik beredi. Qazaqstan aýqymdy kúrdeli tarıhtan shyqqan jas memleket. Óz aıaǵymyzǵa nyq turý úshin, ózimiz qalaǵandaı memleket bolý úshin áli kóp jyl qajet», - dedi N. Nazarbaev.

Joǵary qaraı