Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqtaný jobasy Túrkistanda turaqty júzege asyrylyp keledi

2022 jyldyń 30 sáýir 2022 17:16

TÚRKІSTAN. QazAqparat - Túrkistan oblysynyń zııaly qaýymy etnos ókilderi tyǵyz ornalasqan Kentaý qalasy jáne Keles aýdanynyń jastarymen kezdesti, dep habarlaıdy QazAqparat tilshisi.

«Qazaqstannyń árbir azamaty qazaq halqynyń eń jaqsy qasıetterin – qonaqjaılylyǵyn, kózqarasynyń keńdigin úlgi tutqany jón. Etnostyq qatystylyǵyna qaramastan, barlyq adamdardy baýyryna tartatyn keń peıilin dáriptep, senim men dostyqty boıyna sińire bilýi tıis. Bul – bizdiń jańa dáýirdiń syn-qaterlerin qarsy alatyn jalpyulttyq kodymyz», – dedi Qoja-Ahmet ıAssaýı atyndaǵy HQTÝ-dyń professory, fılologııa ǵylymdarynyń doktory Seıdýlla Sadyqov jastarmen ótken kezdesýde.





Sondaı-aq, «Qazaqtaný» jobasy elimizde meken etetin etnostar arasynda qazaq halqynyń tarıhyn, dástúrlerin, ózindik prıntsıpterin dáripteıtin jáne eń bastysy, eldi biriktiretin ulttyq biregeı joba ekendigin aıtyp ótti.

«Bul bastamaǵa, eń aldymen jastar óz úlesterin qosýy tıis», - dedi professor.





Túrkistan oblystyq ardagerler keńesi tóraǵasynyń orynbasary Esaly Nurjanov ta jastarǵa artylyp otyrǵan senimniń joǵarylyǵyna toqtaldy.

«Prezıdentimiz óz joldaýynda el halqyn «Jańa Qazaqstannyń» irgesin birge qalaýǵa shaqyrdy. Bul rette jastarǵa artylar senim mol. «Bilekke sengen zamanda eshkimge ese bermedik, bilimge sengen zamanda qapy qalyp júrmelik» degen Abylaı babamyzdyń jaqsy sózi bar. Bilimdi jastar ǵana básekege qabiletti bolady, bıik jetistikterge jete alady. Sondyqtan, jastar birlikke, bilimge, rýhanııat pen dástúrge sergek kózqaraspen qaraýy kerek», – dedi ardager.





«Qazaqtaný» mádenı-aǵartý jobasy 2018 jyly Qazaqstan halqy Assambleıasynyń XXVI sessııasynda qabyldanǵan bolatyn. Sodan beri óńirde joba aıasynda túrli is-sharalar ótip keledi. Aldaǵy ýaqytta túrkistandyq jastar kıeli jerlerdi aralap, ekskýrsııa uıymdastyrýdy josparlap otyr.





Eske salsaq, almatylyqtar 1 mamyr - birlik kúnin toılaýdy bastap ketti.


Joǵary qaraı