Aýa raıy
Astana -15 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqtyń tuńǵysh skrıpkashysy Álim Almat týraly fılm túsirilýi múmkin

2020 jyldyń 28 qazan 2020 16:05

NUR-SULTAN. QazAqparat - Qazaqtyń tuńǵysh skrıpkashysy Álim Almat týraly fılm túsirýdi ókiletti organ qoldady. Bul týraly QR Premer-Mınıstri Asqar Mamınniń Senat depýttarynyń saýalyna bergen jaýabynda aıtylǵan, dep habarlaıdy QazAqparat tilshisi.

«Álim Almat týraly kórkem fılm túsirý týraly usynysty ókiletti organ tujyrymdamalyq turǵyda qoldady jáne kınematografııa salasyndaǵy zańnamaǵa sáıkes qaralatyn bolady», - dedi Asqar Mamın.

Aıta keteıik, taıaýda bir top senator Ekinshi dúnıejúzilik soǵysta qapyda tutqynǵa túsken jaýyngerler aqtalýy kerektigin másele etip kóterip, sondaı azamattardyń biri Álim Almat týraly fılm túsirýdi Úkimet basshysy Asqar Mamınge usynǵan edi.

«Onyń biri - soǵys qurbany, ómiriniń sońyna deıin týǵan jerinde aqtalmaǵan Álim Almat bolatyn. Ol 1939 jyly qyzyl ásker qataryna shaqyrylyp, 1941 jyly elge qaıtar kezde soǵys bastalyp ketedi. Maýsym aıynyń sońynda Á.Almat dıvızııadaǵy 560 adammen birge tutqynǵa túsedi. Biraq qazaqtyń birtýar perzenti Mustafa Shoqaıdyń jary Marııa Shoqaıdyń kómegimen tutqynnan bosap shyǵyp, mýzyka ýchılıesine oqýǵa qabyldanady. Talantty mýzykant áýeli Parıjdegi konservatorııada oqıdy, keıin túrik elshiligi arqyly Túrkııa azamattyǵyn alady. Sol elde qaıtys boldy», - degen edi Úkimet basshysyna depýtattyq saýal joldaǵan Álimhan Qurtaev.



Avtor Marlan Jıembaı
Basty sózder: Senat, Mádenıet,
Joǵary qaraı