Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Qazalylyq eriktiler turmysy tómen otbasyna baspana salyp berdi

2020 jyldyń 10 shilde 2020 05:43

QAZALY. QazAqparat - Qyzylorda oblysy Qazaly aýdanynda turatyn eriktiler Marhabbat Asanova men Mereı Aıekeshovanyń bastamasymen jergilikti turǵyndar kóp balaly otbasyǵa baspana salyp berdi, dep habarlaıdy QazAqparat tilshisi.

Budan buryn qaıyrymdylyq isterimen kópshilik kózine túsip kelgen volonterlerdi tórt balaly jalǵyzbasty ákeniń jaǵdaıy alańdatatyn edi. Karantın kezinde halyqqa kómektesý maqsatynda qarjy qoryn qurdy. Jergilikti kásipkerler tarapynan jınalǵan 800 myń teńgege az qamtylǵan 55 otbasyǵa azyq-túlik jetkizip berdi. Sondaı-aq,arnaıy karantındik shara barysynda juqpaly aýrýlar aýrýhanasyna jańa tósek jabdyqtary men arnaıy kıim aldyrdy.

«Osyndaı kúnderdiń birinde Qazaly qalasyndaǵy 4 balaly jalǵyzbasty ákeniń jaǵdaıy bizdi alańdatty. Ol turatyn baspana kózge qorash kórinetin. Baspana qulaý qaýpinde turǵan. Nóser jaýsa, úı shynymen qulap qalar edi. Osylaısha, qalǵan shaǵyn qarjymen jańa úı salýdy oılastyrdyq», - dedi erikti jastar.

Qaıyrymdylyqqa shaqyrǵan qos qyzdyń bul isine Qazaly jastary da qyzý qoldaý bildirdi. Kásipker aqshalaı da, qurylys jabdyqtarymen de qamtamasyz etken. Nátıjesinde baspanaǵa muqtaj otbasy qysqa ýaqyt aralyǵynda 3 bólmeli úıdiń kiltin aldy.

Sondaı-aq, Qyzylordada janashyr jandar kópbalaly anaǵa baspana alyp berdi.


Joǵary qaraı